“Famullitarët” e Kishës Orthodokse Petraq e Gentian Stratobërdha nyja e mafies së pronave në Himar, i biri zyrtar i Goros, babai pallate me Bega07, zbulohen aferat

Goro humbi përballë Fredi Belerit në 14 maj 2023, por mafia e ndërtimit dhe pronave në Tiranë po lufton për t’a mbajtur Goron me çdo kusht në krye të Bashkisë, si ushtar të interesave dhe planeve për shkatërrimin dhe zaptimin e plotë të Himarës.

U arrit deri aty saqë u sajua arrestimi i kandidatit tjetër Fredi Beleri, i cili po mbahet në burg me çdo kusht.

Çështja është kthyer në politike, nacionaliste dhe përplasje me Greqinë, duke shfrytëzuar edhe profilin problematik dhe me hije kriminale të Belerit.

Në fakte lufta bëhet vetëm për interesa ndërtimi, grabitje pronash dhe shkatërrimi.

Para se të bëhej kryetar bashkie, Jorgo Goro bëri 10 vjet “stazhin” si refugjat në Greqi dhe më pas iu lanë në dorë gjithë aferat e bregdetit të jugut.

“Vorioepirioti” Vasil Bollano duket si nxënës shkolle para profesor Jorgos, për nga pisllëqet dhe paratë e pista të bëra në Bashkinë Himarë.

Prapaskena mëson se bashkëpunëtori i caktuar për misionin “bregdeti jugut” është Gentian Stratobërdha.

Gentian Stratobërdha, inxhinier i Kishës Orthodokse, i besuar i Kryepeshkopit Janullatos për të gjitha restaurimet dhe ndërtimet që bën kisha në Shqipëri, në 2015 emërohet Shef urbanistike në Himarë.

Petraq Stratobërdha, babai i Gentianit “caktohet” si drejtues teknik i kompanisë së ndërtimit “Bega07”.

Kompania “Bega07” e mafiozit Arben Muçobega, që prej vitit 2015 ka lulëzuar në tregun e ndërtimeve në Tiranë dhe Himarë.

Mbi 50 pallate dhe qindra milionë euro të qarkulluara ka ndërtuar “Bega07” në zonat më të preferuara të Tiranës.

Disa hotele luksoze në ballë të Himarës janë ngritur nga “Bega07” ku Stratobërdha baba ndërton dhe biri jep lejen.

Paratë ndahen nga Jorgo, Stratobërdhat dhe Muçobega.

Afera e ndërtimeve në jug dhe Tiranë nga banda e Himarës, përveçse kalon qindra miliona euro shpëlarje parash të pista, ka dhe një qëllim të caktuar shkatërrimi.

Arben Muçobega, me një backgraund të theksuar kriminal, mbahet si fasadë “biznesi” me kompanitë, “Compass Studio” dhe “Begao7”, ku pas tyre qëndrojnë “famullitarët” e Kishës Orthodokse Petraq dhe Gentian Stratobërdha.

Të dy miq të mirë të kryeministrit dhe kryetarit të Bashkisë Tiranë, që bashkë me Jorgo Goron e bëjnë aksin Tiranë – Himarë një zonë të mbyllur biznesi.

A ka dijeni Fortlumturia e Tij, Kryepeshkopi i Tiranës, Durrësit dhe gjithë Shqipërisë, Kryepeshkopi Anastas Janullatos për gjithë këto afera?

Nëse po, a do t’i mallkojë, mbështesë apo do të lutet të heqin dorë nga grabitja e pronave dhe pastrimi i parave?