Vrau 20 njerëz, lirohet nga burgu killeri francez i njohur si “Gjarpri”, i bëri krimet në disa shtete

Vrasësi serial francez Charles Sobhraj u lirua nga burgu në Nepal të premten, pasi kreu pjesën më të madhe të dënimit për vrasje. Avokati i tij tha se ai është nisur për në Paris.

Një biletë u ble me paratë e marra nga një mik dhe Ambasada Franceze në Katmandu përgatiti dokumentet e nevojshme të udhëtimit duke e lejuar atë të merrte fluturimin të premten në mbrëmje.

Gjykata e Lartë kishte urdhëruar që Sobhraj të lirohej për shkak të shëndetit të dobët dhe sjelljes së mirë dhe për shkak se ai ka vuajtur më shumë se 75% të dënimit.

Thuhet se Sobhraj ka sëmundje të zemrës. Në të kaluarën, ai ka pranuar se ka vrarë disa turistë perëndimorë. Ai besohet të ketë vrarë të paktën 20 njerëz në Afganistan, Indi, Tajlandë, Turqi, Nepal, Iran dhe Hong Kong gjatë viteve 1970.