Mafia shqiptare në Ekuador, mediat e huaja: Kanë hapur shkollë për vrasës me pagesë, rekrutojnë 9-vjeçarët

February 1, 2023 9:11 pm |prapaskena | Aktualitet

Mediat ekuadoriane i kanë kushtuar një tjetër artikull ndikimit që mafia shqiptare ka në qarqet politike të shtetit në Amerikën Latine. Mes të tjerash, përmendet edhe Dritan Rexhepi i cili njihet si kreu i një grupi kriminal shqiptar që merret me shpërndarjen e lëndëve narkotike në Ekuador.

“Ky grup trafikantësh droge është krijuar në vend që nga viti 2014. Kushdo që u identifikua si drejtuesi i tij ndodhet ende në Ekuador dhe gëzon lirinë”-shkruajnë mediat ekuadoriane.

Më 22 janar, José Serrano Salgado, ish-ministër i Brendshëm i regjimit të Rafael Correa, sulmoi presidentin aktual Guillermo Lasso, se e kishte akuzuar atë për lidhje me akte të supozuara korrupsioni.

Serrano sfidoi presidentin dhe e pyeti për njohuritë e tij për mafian shqiptare.

“Ekuadori sot është vendi më i pasigurt në Amerikën Latine, 25 vdekje për 100 mijë banorë në menaxhimin tuaj të kotë, në menaxhimin tim 5 vdekje për 100 mijë banorë. Kush është Narco, që ia dorëzoi vendin Narkos? Mafia shqiptare, ju kujton gjë? ”, u shpreh Serrano

Ndër të tjera, në artikullin e medias ekuadoriane shkruhet se Serrano nuk ka sqaruar arsyen pse iu referua mafias shqiptare. Megjithatë, kjo nuk është hera e parë që organizata kriminale hyn në radarin kombëtar apo politik të Ekuadorit.

Nga viti 2015 deri në vitin 2021, Dritan Rexhepi i konsideruar si “mbreti” i mafias shqiptare në Ekuador ka qenë i burgosur në burgun Latacunga, nga ku dyshohet se ka drejtonte të gjithë trafikun e drogës.

Rrënjët në të kaluarën
Janë të shumta hetimet e kryera nga media kombëtare dhe ndërkombëtare, si dhe nga organizata ndërkombëtare të sigurisë, të cilat kanë zbuluar operacionet e këtij grupi kriminal në Ekuador.

Dritan Rexhepi, i cili është identifikuar si kreu i bandës është arrestuar në 2014-tën. Ai u kap me 278 kilogramë drogë dhe u dënua me 13 vite burg, të cilën e vuante në Qendrën e Privimit në Cotopaxi. Ndërsa organizata dyshohet se rrënjët i ka që në vitin 2000.

Mafiozët shqiptarë mbërrijnë në Ekuador si biznesmenë të cilët qëndrojnë në hotele të shtrenjta dhe nuk kursehen me shfaqjen e jetës luksoze. Por objektivi kryesor i mbërritjes së tyre në vend ishte blerja e drogës me çmim të ulët duke eleminuar ndërmjetësuesit gjë që u solli atyre kontroll më të madh të rrugëve të shpërndarjes drejt Evropës.

Mario Pazmiño, kolonel (sp) dhe specialist i inteligjencës, theksoi se, si kartelet e tjera, ata tërhiqen nga portet dhe pikat e shitjes së drogës. “Mafia shqiptare vjen shumë kohë më parë, sepse filloi që kur po zhvillohej kjo megastrukturë e krimit të organizuar”, theksoi ai.

Për gazetaren dhe specialisten e profilizimit kriminal, Ana Minga, një nga karakteristikat kryesore të grupit “është se ata punojnë si klan, familje”.

Organizata ka marrë tashmë hapësira në rajonin bregdetar të vendit, madje ka kapur enklavat në qytetin e Guayaquil, për shkak të cenueshmërisë në ligje dhe mungesës së veprimeve nga autoritetet, thonë specialistët .

Shkolla për fëmijë ‘Hitman’

Në hetimet e fundit, janë ngritur alarme për një modalitet të ri brenda organizatës, pas verifikimit të ekzistencës së shkollave për vrasje me porosi për të mitur.

Siç shpjegon Minga, ky veprim u lejon kriminelëve të mbajnë më gjatë në këmbë biznesin e tyre. Ai detajon se për shkak të bumit kriminal, “ata kanë nevojë për mbrojtje dhe prandaj i hyjnë biznesit të vrasjeve me pagesë, që është pjesë e krimit të organizuar , dhe e bën më të qartë se ka shkolla për vrasje me porosi të drejtuara nga shqiptarët; më parë përdornin të rinjtë, por tani janë fëmijë 9 apo 10 vjeç”.

Ai vuri në dukje se rekrutimi i fëmijëve për vrasje me porosi, nga këndvështrimi i profilizimit kriminal, i lejon organizatës të shënjestrojë grupin e të miturve, sepse mendohen si ‘shërbëtorë’ afatgjatë.

Nga ana e tij, Pazmiño tregoi se përdorimi i të miturve është mënyra më e mirë për të parandaluar që këta persona të ndiqen me seriozitet dhe zbatimin më të madh të ligjeve më drastike, kur përdorin të miturit kanë rregulla të tjera që nuk nënkuptojnë një dënim kaq të rëndë. Ai tha se të rinjtë janë shumë më të lehtë për t’u rekrutuar përmes parave ose drogës, dhe ata janë shumë më të ndikueshëm.

test

“Tërmet 12 ballë”, puthen Luizi me Kiarën, shqiptarët tashmë të gjithë të lumtur

February 1, 2023 8:09 pm |prapaskena | Show Biz

‘Tërmer 12 ballë’  Më në fund ndodhi puthja e shumëpritur!

Kiara Tito dhe Luiz Ejlli u veshën nuse e dhëndër mbrëmjen e sotme, pasi Vëllai i Madh u kishte dhënë për detyrë banorë të organizonin një dasmë brenda shtëpisë së “Big Brother Vip”.

Kristi ishte ai që “celebroi çiftin në martesë” dhe në momentin që ai i shpalli burrë dhe grua ishte moderatorja ajo që bëri hapin drejt këngëtarit, duke i dhuruar një puthje në buzë, të cilën Luizi e priste me ngulm.

Ndërsa banorët e tjerë brohorisin, duke thënë “puthe, puthe”.

Tashmë shqiptarët janë të gjithë të lumtur.

test

50% ulje për gjobat që paguhen brenda 15 ditësh, 130 km/h shpejtësia e lejuar në autostrada

February 1, 2023 5:54 pm |prapaskena | Aktualitet

Shumica dhe opozita kanë bashkuar votat në Komisionin Parlamentar të Veprimtarive Prodhuese për ndryshmet në Kodin Rrugor. Mes propozimeve të demokratëve të mirëpritura nga socialistet është dhe ajo për ta zgjatur në 15 ditë afatin e pagimit të gjobave pa kamat vonesë nga 5 që ishte dhe për të përfituar 50 përqind ulje nga 20 që është aktualisht në Kod.

Në ndryshimet që priten të miratohen ditën e enjte në Kuvend është rënë dakord edhe për rritjen e shpejtësisë së lejuar në autostradat që plotësojnë standardet, në 130 km në orë nga 110 që është aktualisht.

Arben Pëllumbi: Dakord, kundër nuk ka. Faleminderit të gjithëve për kontributin.

Po ashtu vlefshmëria e të gjitha patentave do të zgjatet në 15 vite. Një tjetër ndryshim i vendosur tashmë dhe në Kod është detyrimi i bashkive që 50 përqind të vendparkimeve që administrojnë, të jetë pa pagesë.

test

Nëna e re ndërroi jetë 4 ditë pasi solli në jetë foshnjën, reagon materniteti “Koço Gliozheni”

February 1, 2023 4:58 pm |prapaskena | Aktualitet

Materniteti “Koço Gliozheni” ka reaguar lidhur me vdekjen e 30-vjeçares e cila katër ditë më parë solli në jetë foshnjën e saj.

Në një deklaratë për mediat, spitali thekson se pas katër ditësh pasi kishte lindur 30-vjeçarja Mimoza Veizaj, u paraqit në maternitet me gjendje debulese dhe menjëherë u shtrua në repartin e terapisë intensive, aty ku dhe u trajtua sipas të gjitha protokolleve mjekësore.

Pavarësisht përpjekjeve të stafit mjekësor, spitali thekson se gjendja e pacientes u rëndua në mënyrë të shpejtë, duke ndërruar jetë.

“Materniteti “Koco Gliozheni” I shpreh ngushëllimet familjarëve të së ndjerës me inicialet M.V., e cila ka ndërruar jetë disa ditë pas lindjes së foshnjës.

30-vjecarja është shtruar në spitalin tonë më datë 28 janar dhe nuk ka referuar asnjë patologji shoqëruese.

Lindja natyrale ka shkuar mirë, duke sjellë në jetë një djalë të shëndetshëm. Pas 48 orësh qëndrimi në spital, ku ka marrë shërbimin e nevojshëm, nëna ka dalë nga spitali me dëshirën e saj, në gjendje shëndetësore të stabilizuar.

Disa ditë pas lindjes nëna e re është paraqitur në spital me dobësi trupore dhe menjëherë, pacientja është shtruar në repartin e terapisë intensive, ku është trajtuar komfom të gjitha protokolleve mjekësore.

Pavarësisht përpjekjeve të stafit mjekësor, gjendja e pacientes është rënduar në mënyrë të shpejtë, duke ndërruar jetë.

Priten rezultatet e Mjekësisë Ligjore për të mësuar shkakun e humbjes së jetës së pacientes”, thuhet në reagimin e maternitetit.

test

Gjykata Speciale “luftë” me SPAK për hetimin e pasurisë së Metës dhe Berishës

February 1, 2023 4:44 pm |prapaskena | Aktualitet

Një betejë ligjore ka nisur mes SPAK-ut dhe Gjykatës së Posaçme për hetimin e burimit të pasurive të Sali Berishës dhe Ilir Metës, dy nga politikanët më të pasur në Shqipëri, i pari në listën e zezë të SHBA-ve, ndërsa i dyti me 4 procedime penale në SPAK. Shqiptarja.com mëson se prokurorja e SPAK-ut Manjola Kajana nuk pajtohet me vendimin e Gjykatës së Posaçme të Shkallës së Parë, të datës 30 nëntor 2022, vendim i cili urdhëron SPAK-un që të hetojë pasurinë e Ilir Metës dhe Sali Berishës, nëse është deklaruar sipas ligjit dhe nëse ka apo jo lidhje me vjedhjen e thesarit të shtetit gjatë trazirave të vitit 1997 dhe në fund të vitit 1999.

Prokurorja Manjola Kajana ka ankimuar në Gjykatën e Apelit vendimin e Gjykatës së Posaçme të Shkallës së Parë, e cila urdhëronte SPAK-un që të regjistrojë procedim penal për vjedhjen e 280 kg ar në tunelet e sigurisë së lartë në Krrabë gjatë trazirave të vitit 1997, ngjarje për të cilën Sali Berisha dhe Ilir Meta kanë akuzuar njëri-tjetrin. Tashmë do të jetë Gjykata e Apelit që do të vendosë përfundimisht nëse SPAK-u duhet të nisë ose jo hetimet për ligjshmërinë e pasurive të dyshes Berisha-Meta.

Në shtator të vitit 2022, avokati Idajet Beqiri referoi në SPAK një kallëzim penal ndaj Sali Berishës dhe Ilir Metës për vjedhjen e floririt të shtetit në tunelet e Kërrabës ndodhur në vitet 1997 dhe 1999. Më 7 tetor 2022, prokuroja Manjola Kajana, vendosi mosfillimin e procedimit penal, duke rrëzuar kështu kërkesën e Beqirit për ndjekjen penale të Ilir Metës dhe Sali Berishës si të dyshuar, sipas tij, si organizatorë dhe përfitues të vjedhjes së floririt.

Në vendimin e mosfillimit, prokurorja Manjola Kajana thoshte se vepra penale e referuar në kallëzimin e Idajet Beqirit është parashkruar sipas legjislacionit penal, pasi kanë kaluar më shumë se 20 vite. Së dyti, prokurorja e SPAK-ut Manjola Kajana thekson se për këtë ngjarje janë dënuar 5 persona në vitin 2001, me vendim të formës së prerë të Gjykatës Ushtarake. Dhe së treti, sipas prokurores, vepra penale e referuar nga Beqiri, ajo e grupit të strukturuar kriminal, nuk ekzistonte në legjislacionin penal të kohës.
Avokati Beqiri e ankimoi vendimin në gjykatë. Sipas Beqirit vendimi i Manjola Kajanës është në kundërshtim flagrant me ligjin penal dhe procedural penal, si dhe me provat dhe me faktet. Sipas avokatit Beqiri, vendimi i prokurores nuk i përgjigjet standardit, përgjegjësisë dhe seriozitetit të SPAK, e trajton vjedhjen e floririt të shqiptarëve problemet shumë përciptazi, anashkalon akuzat më të rënda, ka arsyetime vetëm për një pjesë të vogël të akuzave si dhe ka arsyetime që vetëm favorizojnë Metën dhe Berishës, të cilët sipas Beqirit janë të dyshuar si organizatorë, frymëzues dhe përfitues të vjedhjes së floririt.

Gjyqtarja Flojera Davidhi, me vendim të datës 30 nëntor 2022, pranoi ankimimin e Beqirit, duke rrëzuar vendimin e 7 tetorit 2022 të prokurores së SPAK, Manjola Kajana, për mosfillimin e procedimit penal për vjedhjen e floririt. Gjyqtarja Flojera Davidhi, duke rrëzuar vendimin e mosfillimit të procedimit penal, arsyeton se prokuroria nuk mund të dalë në konkluzione se nuk ka vepër penale dhe se janë parashkruar veprat penale, pa kryer hetime. Gjyqtarja arsyeton se i takon më pas gjykatës për të kontrolluar dhe vlerësuar hetimet e prokurorisë. Flojera Davidhi thekson se mund të jemi para vazhdimësisë së veprës penale, por pa hetuar në mënyrë shteruese, nuk mund të dilet në një përfundim.

Gjykata thotë se kallëzuesi pretendon se Ilir Meta dhe Sali Berisha i kanë krijuar pasuritë me floririn e vjedhur. Sipas gjykatës, kallëzuesi nuk ka mundësi për ta provuar këtë fakt, ndaj SPAK duhet të verifikojë burimin e pasurisë së Metës dhe Berishës, përmes shkresave drejtuar ILDKPKI, hipotekës etj. Në vendimin e gjykatës thuhet se SPAK-u, pasi të bëjë një hetim shterues, të paraqitet në gjykatë për pushimin e çështjes ose ndëshkimin e personave përgjegjës, nëse do të zbulohen të tillë.

Por, prokurorja Manjola Kajana i qëndron arsyetimin në vendimin e saj për të mos regjistruar procedim penal për vjedhjen e floririt. Tashmë nuk bëhet më fjalë vetëm për vjedhjen e thesarit të shtetit, por urdhri i Gjykatës së Shkallës së Parë për SPAK për të hetuar pasurinë e Metës dhe Berishës. Nëse Gjykata e Apelit lë në fuqi vendimin e Shkallës së Parë, prokurorja Manjola Kajana është e detyruar të verifikojë pasurinë e dyshes Meta-Berisha, një ‘barrë’ e rëndë kjo për një prokuror. (Shqiptarja.com)

test

Kanceri i lëkurës po rrezikon adoleshentët dhe të rinjtë, metodat për ta parandaluar

February 1, 2023 3:58 pm |prapaskena | Aktualitet

Kanceri i lëkurës është në rritje tek të rinjtë e moshës 25 deri në 30 vjeç dhe madje edhe tek adoleshentët e moshës 15-20 vjeç. Në këto grupmosha janë raportuar shumë raste të një kanceri të lëkurës që gjendet gjerësisht, i quajtur melanoma. Dëmtimi UV (ultraviolet) nga dielli është një nga shkaqet kryesore të melanomës.

Melanoma mund të zhvillohet në vende ku nuk ka njolla të errëta ose gunga. Melanoma zhvillohet kur melanocitet pushojnë së funksionuar normalisht. Ata fillojnë të rriten jashtë kontrollit si rezultat i një ndryshimi gjenetik (mutacion), duke u ngjitur së bashku për të formuar tumore dhe duke dëmtuar indet përreth. Prandaj, dermatologët u bëjnë thirrje njerëzve të të gjitha moshave që të mbrojnë lëkurën e tyre dhe të praktikojnë mbrojtjen nga dielli.

Rritja e kancerit të lëkurës tek të rinjtë mund të jetë rezultat i faktorëve të ndryshëm si:

-Ekspozimi ndaj rrezatimit ultravjollcë të diellit dhe burimeve të tjera.

Pjesëmarrja në sportet në natyrë të luajtura direkt nën diell.

-Zakonet e ulëta të mbrojtjes nga dielli si mos aplikimi i kremrave kundër diellit dhe mos mbajtja e kapelave.

-Vizita të vonuara të dermatologut për kontrolle të lëkurës.

Meshkujt janë më të rrezikuar nga kanceri i lëkurës

Incidenca e kancerit të lëkurës ndryshon sipas gjinisë, me meshkujt që janë në rrezik më të lartë. Më poshtë janë arsyet:

Këshilla për të parandaluar ose zvogëluar rrezikun e kancerit të lëkurës

Më poshtë janë disa këshilla që mund të ndihmojnë në parandalimin ose zvogëlimin e rrezikut të kancerit të lëkurës si tek burrat ashtu edhe tek gratë:

Vishni veshje mbrojtëse: Vishni veshje që mbulojnë sa më shumë lëkurë të jetë e mundur, duke përfshirë këmisha me mëngë të plota, pantallona dhe një kapelë me strehë të gjerë.

Aplikoni krem ​​kundër diellit: Përdorni një krem ​​kundër diellit me SPF të paktën 30 dhe riaplikoni çdo dy orë, pas notit.

Kufizoni ekspozimin ndaj diellit gjatë orëve të pikut: Rrezet e diellit janë në maksimumin e tyre midis orës 10:00. dhe 16:00, kështu që përpiquni të shmangni diellin sa më shumë që të jetë e mundur.

Kërkoni hije: Kërkoni hije nën pemë, çadra ose struktura të tjera kur është e mundur.

Përdorni syze dielli: Përdorni syze dielli që bllokojnë rrezet UVA dhe UVB për të mbrojtur lëkurën delikate rreth syve tuaj.

Kontrolloni rregullisht lëkurën tuaj: Ekzaminoni lëkurën tuaj rregullisht dhe raportoni çdo ndryshim ose njollë të dyshimtë tek mjeku juaj.

Hani një dietë të shëndetshme: Ngrënia e një diete të pasur me fruta, perime dhe drithëra mund të ndihmojë në uljen e rrezikut të kancerit të lëkurës.

test

Kontrolle të shumta, FBI “zbarkon” në shtëpinë e Presidentit Biden

February 1, 2023 3:26 pm |prapaskena | Aktualitet

FBI ka nisur kontrollet në shtëpinë e Presidentit Joe Biden në Delaëare si pjesë e një hetimi për dokumente të klasifikuara.

Lajmin e konfirmoi avokati i Biden përmes një deklarate, duke bërë të ditur se kontrolli ishte kryer me miratimin e plotë të presidentit.

Ndërkohë, FBI nuk ka bërë asnjë koment mbi hetimin, por sipas mediave vendase është një hetim më të gjerë në trajtimin e dokumenteve të klasifikuara.
Duke qenë se kontrolli ishte konsensual, nuk u kërkua asnjë urdhër bastisjeje.

Avokati i Biden, Bob Bauer, tha se kontrolli u krye “pa njoftim paraprak publik” në interes të “sigurisë operacionale dhe integriteti.

test

Flet djali i viktimës në Gramsh: Xhaxhai nuk kishte probleme mendore! Mos ma njollosni babain, s’ndodhi për arsye xhelozie

February 1, 2023 2:05 pm |prapaskena | Aktualitet

Nipi i Xhevit Sinanit ka folur pas krimit të rëndë në Gramsh, ku i moshuari vrau gruan dhe vëllain e tij.

Djali i viktimës, Shaqir Sinanit i cili u godit për vdekje me sëpatë nga i vëllai tha se ngjarja kurrsesi nuk ka pasur motive xhelozie, duke kërkuar “mos ma njollosni babain tim”.

Ndërsa bashkëshorten e autorit, Zeqine Sinanin e përshkroi si një zonjë grua dhe të respektuar.

Ai rrëfeu në emisionin “Me zemër të hapur”, se xhaxhai kishte marrë në telefon fëmijët e tij dhe u ka thënë “hajdeni lart sepse u kam vrarë mamanë dhe xhaxhain”. Ndërsa theksoi se nuk dinë arsyet e ngjarjes dhe se me fëmijët e autorit s’kanë asnjë problem.

Nuk më ka thënë njeri që vuan nga shëndeti mendor. Nuk di nëse kanë pasur probleme në çift mes xhaxhait dhe gruas së tij, ishte zonjë grua, e respektueshme. Nuk kishin probleme. S’kemi dëgjuar gjë”, u shpreh ai.

Pyetjes se si ndodhi ngjarja, iu përgjigj: Nuk i bënte dot babait tim drejt për drejt, e ka kapur në befasi. S’kemi informacion sepse nuk ka parë asnjë njeri se çfarë ka ndodhur. Policia ka arritur Ai ka marrë familjarët “hajdeni lart sepse u kam vrarë mamanë dhe xhaxhain”.

Djali i vogël i xhaxhait ka marrë kryeplakun. Ai më pas ka njoftuar policinë. Nuk e besonte njeri që mund të vriste gruan e vet dhe vëllain e vet. Babain tim e njihte një Shqipëri e tërë. Xhaxhai im ishte njeri serioz, me kulturë. Nuk ia merr mendja njeriu që ka bërë një krim të tillë, s’ka shpjegim.

Ne si fëmijë me kushërinjtë, jemi siç kemi qenë. S’kemi pasur probleme dhe s’do kemi, për xhaxhain ta zgjidhi shteti. S’kanë faj ata. Mos ma njollosni babain tim, ai iku, por të mos të iki me njollë. Nuk është punë xhelozie, nuk ishte i asaj rruge. Asnjë nga ne si familje.

hidhërim, ishte xhaxhai i pari (autori i vrasjes). Nuk më ka thënë njeri që vuan nga shëndeti mendor. Nuk di nëse kanë pasur probleme në çift mes xhaxhait dhe gruas së tij, ishte zonjë grua, e respektueshme. Nuk kishin probleme. S’kemi dëgjuar gjë”, u shpreh ai.

Pyetjes se si ndodhi ngjarja, iu përgjigj: Nuk i bënte dot babait tim drejt për drejt, e ka kapur në befasi. S’kemi informacion sepse nuk ka parë asnjë njeri se çfarë ka ndodhur. Policia ka arritur Ai ka marrë familjarët “hajdeni lart sepse u kam vrarë mamanë dhe xhaxhain”.

Djali i vogël i xhaxhait ka marrë kryeplakun. Ai më pas ka njoftuar policinë. Nuk e besonte njeri që mund të vriste gruan e vet dhe vëllain e vet. Babain tim e njihte një Shqipëri e tërë. Xhaxhai im ishte njeri serioz, me kulturë. Nuk ia merr mendja njeriu që ka bërë një krim të tillë, s’ka shpjegim.

Ne si fëmijë me kushërinjtë, jemi siç kemi qenë. S’kemi pasur probleme dhe s’do kemi, për xhaxhain ta zgjidhi shteti. S’kanë faj ata. Mos ma njollosni babain tim, ai iku, por të mos të iki me njollë. Nuk është punë xhelozie, nuk ishte i asaj rruge. Asnjë nga ne si familje.

test

Sali Berisha mbledh deputetët e PD: Yuri Kim, një “McGonigal” me fustan! Me Ramën dhe Bashën po veprojnë me “kodin e heshtjes

February 1, 2023 1:41 pm |prapaskena | Politikë

Kryedemokrati Sali Berisha ka mbledhur këtë të mërkurë në seli deputetët e kësaj force politike. Ai ka akuzuar kryeministrin Edi Rama për lidhje dhe korruptim të ish-drejtorit të FBI Charles McGonigal, i arrestuar në Amerikë.

“Edi Rama ka kryer një akt me pasoja me pasoja absolutisht të rënda. Ky është një rast që skalitet për fat të keq gjatë në memorie. Kësaj i thonë të të vijë nga ai që kurrë nuk e pret. Por Edi Rama këtë akt të pashembullt e ka bërë vetëm e vetëm të shkatërrojë opozitën shqiptare.

Këtë korruptim të njërit prej njerëzve absolustisht më të rëndësishëm në fushën e sigurisë së SHBA, e ka bërë bërë vetëm për të rrënuar në një akt armiqësor absolut për të rrënuar opozitën shqiptare. Ka korruptuar Charles McGonigal, ka shfrytëzuar dobësitë e një njeriu të degraduar që ka shkelur betimin për t’i shërbyer vendit të tij”, u shpreh Berisha.

Më tej, ish-kryeministri tha se aktualisht në Shqipëri janë tre persona që po veprojnë me “kodin e heshtjes”, në lidhje me aferën amerikane ku janë përfshirë dhe dy shtetas shqiptarë. Sipas tij, Edi Rama, Lulzim Basha dhe Yuri Kim kën rënë dakord të mos flasin.

“Tre persona kanë heshtur gjer sot, me kodin e heshtjes, ky është Edi Rama. Siç e dini, bëri vetëm sqarimin se pasi njëherë u përpoq ta injoronte, filloi të flasë për kazanë, Big Brother…. Në kod kjo ishte mos fol se nuk do flas. Ky ishte mesazhi, pastaj një lehtësim.

Nuk foli Lulzim Basha. Dhe kur foli përsëri me kod. Nuk përmendi dot as emrin e Edi Ramës, pengmarrësit, as të McGoniGal. Shikoni çfarë luhet në kurriz të qytetarëve shqiptarë.

Nuk foli guvernatorja Kim, e cila në raport me opozitën është një McGonigal me fustan. Unë e di që ajo do e transmetojë këtë si një qëndrim anti-amerikan. Por s’ka asgjë të tillë në kët qëndrim, por një besim te ai vend që vërtet ka McGonigal, por e arreston atë. Vend të dytë si ai nuk ka.

Yuri Kim u soll si McGonigal me fustan sepse kam bindjen më absolute se ajo shkelmoi Kushtetutën e vendit të saj dhe të vendit tim, Konventën Vjenës, dhe këto kurrë s’mund të kenë qenë orientime të SHBA”, përmbylli Sali Berisha, kryetar i PD.

test

Përparim Spahiu, Ylli ‘patentave’ dhe Vangjel Tavo braktisin Metën dhe kalojnë me PS-në, shpartallohet Partia e Lirisë

February 1, 2023 1:28 pm |prapaskena | Kryesore, Politikë

Nga Partia e Lirisë është larguar edhe vëllai i tij, Ylli Spahiu, i cili ka qenë drejtor i Përgjithshëm i Shërbimit të Transportit Rrugor, i propozuar nga Ilir Meta.

Prapaskena mëson se Ylli Spahiu ishte distancuar prej disa vitesh nga Ilir Meta, pêr shkak të një konflikti që gati sa nuk ka kaluar në përleshje fizike.

Shkak i sherrit ishte kuota e lartë që Monika Kryemadhi i kishte vendosur Ylli Spahiut, për t’i dërguar çdo muaj.

Lufta nisi kur Spahiu nuk po e plotësonte dot shifrën e vendosur, ku për rrjedhojë në lojë hyri Meta, i cili (të gjithë ata që e njohin nga afër e dinë) vetëm tek paratë nuk të fal.

Prapaskena mëson se nga LSI është larguar edhe Vangjel Tavo. Madje Tavo mund të të kandidojë për kryetar bashkie për Bashkinë e Dropullit për Partinë Socialiste.

Tavo u largua nga PS, duke iu bashkuar LSI-së në vitin 2010. “Tavo është i mirëpritur dhe do të gjejë hapësira për të vijuar kontributin politik”, theksoi Meta në atë kohë.

Tashmë Tavo pritet të akuzohet nga Meta pas rikthimit në PS, siç ka bërë me Lefter Kokën, Alqi Bllakon, Rahovicën etj.

test