Finalja e Madhe e Eurovizion 2026 ngre siparin në Vjenë, Alis ngjitet i pesti në skenë, sonte çdo votë vlen me Kodin 05 për ta çuar Shqipërinë sa më lart

Miliona sy e zemra shqiptarësh, në Evropë dhe mbarë botën, do të jenë përqendruar sonte në mbrëmje në arenën e Wiener Stadthalle të Vjenës. Në orën 21:00 CEST, ngrihet sipari i Finales së Madhe të Festivalit të 70-të të Këngës në Eurovizion, ngjarja më e madhe muzikore në kontinent.

Mes 25 shteteve që kaluan me sukses sfidat e gjysmëfinaleve, Shqipëria vjen me një përfaqësim dinjitoz. Artisti Alis, me këngën “Nân”, do të ngjitet i pesti në skenë, në një natë magjike që kërkon më shumë se kurrë jehonën dhe mbështetjen e çdo bashkëkombësi jashtë kufijve.

Vota e Diasporës, çelësi drejt suksesit

Eurovizioni ka treguar ndër vite se fitorja nuk bazohet vetëm te performanca vokale, por edhe te bashkimi i komuniteteve. Për Alisin, mbështetja e diasporës është jetike. Me kodin 05, çdo shqiptar që jeton në shtetet pjesëmarrëse ose në pjesën tjetër të botës, ka në dorë fuqinë për ta ngritur Shqipërinë në krye të klasifikimit.

Kënga ‘Nân’ ka përcjellë një emocion të veçantë që në natën e saj të konkurrimit në gjysmë finale. Tashmë, në këtë finale jubiliare të Eurovizionit, është radha e publikut dhe veçanërisht e diasporës sonë të tregojë forcën e saj. Çdo votë është një zë më shumë për Shqipërinë në arenën evropiane. Le ta çojmë Shqipërinë sa më lart sonte!

Si të votoni për Alis (Kodi 05)

Rregullat e votimit janë të thjeshta dhe lejojnë deri në 10 vota për person. Dritarja e votimit hapet pak para se të interpretohet kënga e parë dhe do të mbetet e hapur gjatë gjithë performancave LIVE, duke u mbyllur rreth 40 minuta pas këngës së fundit. Të gjitha shtetet pjesëmarrëse në Eurovizion 2026 kanë të drejtë vote, përfshirë ato që nuk u kualifikuan në finale.

Për shqiptarët në diasporë (Votim me SMS):

Nëse jetoni në shtetet e mëposhtme, klikoni mbi lidhjen përkatëse për të gjeneruar automatikisht SMS-në e votimit për Alisin (Kodi 05):

https://www.t2ll.com/auth/sms-redirect?phoneNumber=1004&msg=05

???????? Azerbajxhani: Voto Këtu

https://www.t2ll.com/auth/sms-redirect?phoneNumber=9450&msg=05

https://www.t2ll.com/auth/sms-redirect?phoneNumber=6015&msg=05

Një spektakël për 70-vjetorin jubilar

Sonte nuk pritet vetëm një garë këngësh, por një shfaqje kolosale që feston 7 dekada histori muzikore. Publiku do të mahnitet që në hapje, teksa “varka ikonike prej letre” e JJ-së — fituesit austriak të vitit 2025 me “Wasted Love” — do të bëjë udhëtimin e saj përgjatë Danubit për të mbërritur në Vjenë. Vetë JJ do të performojë “Mbretëresha e Natës”, në një ndërthurje mjeshtërore të vokalit të tij me elemente nga Mozarti, i shoqëruar nga mbi 40 kërcyes dhe akrobatë, përpara se 25 finalistët të parakalojnë në Paradën tradicionale të Flamujve.

Gjatë minutave të votimit, nostalgjia do të pushtojë arenën. Në segmentin e quajtur “Festim!”, legjenda të Eurovizionit si Lordi, Verka Serduchka, Alexander Rybak, Ruslana, e të tjerë, do të sjellin hitet e tyre ikonike. Nata do të kulmojë me ikonën austriake të elektro-swing, Parov Stelar, dhe legjendën César Sampson, i cili do të performojë një version plot shpirt të klasikës “Vienna” nga Billy Joel.

Votimi Online për “Rest of the World”

Mjafton të aksesoni platformën zyrtare www.esc.vote për të dhënë votën tuaj. Për këto shtete, dritarja e votimit është e hapur edhe përpara nisjes së shfaqjes, duke dhënë një mundësi të artë për t’u organizuar që herët.

Ashtu siç është traditë për ngjarjet e mëdha muzikore evropiane dhe kombëtare, për publikun vendas spektakli do të vijë drejtpërdrejt në ekranet e RTSH 1 HD, RTSH Muzikë dhe përmes valëve të Radio Tirana.

Renditja e performancave në Finalen e Madhe

Për ata që do të ndjekin me vëmendje garën nga fillimi në fund, ja si paraqitet radha e ngjitjes në skenë e 25 finalistëve:

Danimarkë: Søren Torpegaard Lund – Før Vi Går Hjem

Gjermani: Sarah Engels – Fire

Izrael: Noam Bettan – Michelle

Belgjikë: ESSYLA – Dancing on the Ice

Australi: Delta Goodrem – Eclipse

Çeki: Daniel Zizka – CROSSROADS

Mbretëria e Bashkuar: LOOK MUM NO COMPUTER – Eins, Zwei, Drei

Moldavi: Satoshi – Viva, Moldova!

Finlandë: Linda Lampenius x Pete Parkkonen – Liekinheitin

Lituani: Lion Ceccah – Sólo Quiero Más

Itali: Sal Da Vinci – Per Sempre Sì

Norvegji: JONAS LOVV – YA YA YA

Rumani: Alexandra Căpitănescu – Choke Me

/RTSH/