Mbledhja e Kryesisë së PS, takimi zgjat vetëm 30 minuta

Ka përfunduar mbledhja e Kryesisë së PS, ku i pranishëm ishte edhe kryeministri Rama. Mbledhja ka zgjatur vetëm 30 minuta.

Mbledhja parashikohej të kishte kryesisht karakter organizativ. Po ashtu pritej përcaktimi i datës për Asamblenë e Partisë Socialiste.

Kjo mbledhje vjen pas mbledhjes së zgjeruar të Grupit të PS të mbajtur pak ditë më parë dhe pas ndryshimeve të forta në qeveri.

Në mbledhje u kërkua nisja e takimeve me strukturat dhe mbështetësit në terren, si pjesë e një procesi riorganizimi dhe koordinimi të aktivitetit politik në vijim.

Në mbledhje mori pjesë edhe Belinda Balluku.