Përleshje të përgjakshme në Pakistan pas sulmeve ndaj Iranit: 9 të vdekur dhe dhjetra të plagosur

Një seri përleshjesh mes protestuesve dhe policisë u shënua në Karaçi, Lahore dhe Islamabad pas sulmeve ajrore amerikane dhe izraelite ndaj Iranit. Një mjek i lartë në Karaçi tha për BBC News se nëntë trupa të pajetë dhe të paktën 32 të plagosur u transportuan në spital.

Një zyrtar i shërbimit privat të shpëtimit, Fondacioni Edhi, konfirmoi gjithashtu se transportuan nëntë trupa dhe dhjetëra të plagosur pas përleshjeve që nisën kur policia u përpoq të ndalonte demonstruesit të hynin në kompleksin e Konsullatës së Përgjithshme të Shteteve të Bashkuara në Karaçi. Policia ende nuk ka lëshuar një deklaratë zyrtare për situatën.

Protestat u nxitën nga organizatat shiite dhe u zhvilluan në disa qytete, përfshirë Islamabadin, dhe çuan në vendosjen e një shtetrrethimi në zonat më të tensionuara.

Në ndërkohë, një zyrtar i OKB-së raportoi se një zyre e Kombeve të Bashkuara iu vu flaka në Gilgit, në Gilgit-Baltistanin e administruar nga Pakistani, duke theksuar përshkallëzimin e tensioneve në rajon.

Situata mbetet e tensionuar ndërsa autoritetet lokale përpiqen të ruajnë rendin dhe të menaxhojnë pasojat e protestave masive.