Apeli i GJKKO-së rrëzon kërkesën e Ilir Metës për ndryshim të masës së sigurisë, ish-presidenti mbetet në burg

Apeli i Posaçëm i GJKKO-së ka rrëzuar kërkesën e ish-presidentin Ilir Meta për ndryshim të masës së sigurisë duke e lënë në qeli.

Meta kërkoi zëvendësim të masës së sigurisë “arrest me burg” me një tjetër masë më të butë sigurie, por kjo kërkesë u rrëzua. Meta është në qelinë e paraburgimit 313 në Tiranë që prej tetorit 2024.

Ish-presidenti i Shqipërisë po hetohet për 3 çështje aferën CEZ-DIA, lobimin e LSI-së në SHBA dhe hetimin pasuror. Tashmë SPAK ka mbyllur hetimet dhe dosja e tij është dërguar për gjykim.

Ilir Meta dhe Monika Kryemadhi akuzohen për korrupsion pasiv, pastrim parash dhe mosdeklarim pasurie. Pirro Xhixho akuzohet për korrupsion pasiv të funksionarëve të lartë, të kryer në bashkëpunim, ndërsa Fatime Kryemadhi për pastrim parash, së bashku me Ema Çokun.