Zjarr në pallatin në Astir, zjarrfikësit shpëtojnë dy fëmijët e vegjël

Një apartament në katin e tretë të një pallati në rrethrrotullimin e dytë të Astirit u përfshi nga flakët mesditën e së shtunës. Menjëherë në vendngjarje mbërritën forca të shumta të zjarrfikëses, të cilat në pak minuta neutralizuan flakët.

Në katet e tjera, për shkak të shtëllungave të tymit, disa banorë mbetën të bllokuar, çfarë kërkoi ndërhyrjen me shkallë të zjarrfikëses.

Për fat të mirë, nuk raportohen probleme te banorë të pallatit. Policia dhe zjarrfikësit e Tiranës pritet të përcaktojnë shkakun e zjarrit në këtë apartament.