Vrau vajzën e tij 16-vjeçare dhe fqinjin, Gjykata në Itali jep dënimin maksimal për Taulant Malajn

Gjykata e Assizes në Foggia ka dënuar me burgim të përjetshëm dhe izolim ditor për 1 vit e 6 muaj Taulant Malajn, 47-vjeçarin shqiptar, i cili dy vite më parë vrau vajzën e tij 16-vjeçare, Xhesika, dhe fqinjën Massimo De Santis, të cilin e akuzonte pa asnjë bazë se kishte një marrëdhënie me gruan e tij, Tefta Malaj.

Malaj ishte akuzuar për vrasje të dyfishtë me paramendim dhe tentativë vrasjeje me rrethana rënduese, ngjarje e ndodhur më 7 maj 2023 në Torremaggiore.

Ai vrau me thikë vajzën e tij dhe fqinjën. E reja humbi jetën duke u përpjekur të mbrojë nënën e saj, e cila mbeti e plagosur rëndë nga sulmi i babait. Ngjarja e rëndë ndodhi përpara syve të djalit tjetër të çiftit, i cili atëherë ishte vetëm 5 vjeç. Procesi nisi më 22 mars 2024 në Gjykatën e Assizes në Foggia, ku pak ditë më parë prokuroria kërkoi burgim të përjetshëm me izolim ditor për 1 vit e 6 muaj.