Tërmeti “gjunjëzon” Mianmarin, shkon në mbi 1600 numri i viktimave 

Ka shkuar në 1,644 numri i viktimave për shkak të tërmetit në Mianmar, teksa raportohet për 3,408 të tjerë të plagosur.

139 persona të tjerë raportohet se janë të zhdukur në të gjithë vendin.

Pamjet dramatike tregojnë momentin kur një ndërtesë disakatëshe u shemb në rrënoja në qytetin e Mandalay – afër epiqendrës së tërmetit.

Të mbijetuarit në qytet gërmuan me duar në një përpjekje të dëshpëruar për të gjetur njerëz të bllokuar.

Tërmeti goditi rreth orës 12:50 me orën lokale të premten në një thellësi të cekët prej gjashtë miljesh (9,6 km). Epiqendra e tërmetit ishte rreth 10 milje nga Mandalay. Pati edhe pasgoditje, me një magnitudë të fortë 6.4 ballë 12 minuta më vonë.

Tajlanda fqinje u prek gjithashtu nga tërmeti, duke lënë të paktën shtatë persona të vdekur, tetë të plagosur dhe 47 të zhdukur.

Ndërtesat në pesë qytete dhe qyteza të Mianmarit u shembën, së bashku me një urë hekurudhore dhe një urë rrugore në autostradën Yangon-Mandalay, njoftuan mediat shtetërore. Gjithashtu shpërtheu një digë.

Kulla e kontrollit në aeroportin Nay Pyi Taë, i cili i shërben kryeqytetit Naypyidaë, u shemb, që do të thotë se pistat nuk mund të përdoren.

Duke kujtuar momentin kur ata u larguan nga shtëpia e tyre në Mandalay, një banor tha se ata “dolën me vrap nga shtëpia pasi gjithçka filloi të dridhej”.

Ata thanë se “ishin dëshmitarë të një shembjeje ndërtese pesëkatëshe para syve të tyre”, duke shtuar, “të gjithë në qytetin tim janë në rrugë dhe askush nuk guxon të kthehet brenda ndërtesave”.

Fatkeqësia natyrore – tërmeti më i madh në këtë rajon në gati 80 vjet – vjen pasi vendi është në kontrollin e një lufte civile.

Përpjekjet e kërkimit vazhduan të shtunën në mëngjes në Bangkok, ndërsa guvernatori i qytetit, Chadchart Sittipunt, tha se njerëzit besohej të ishin gjallë në rrënojat në tre kantiere ndërtimi, duke përfshirë një ku u shemb një ndërtesë e lartë e ndërtuar pjesërisht. /Sky News

Previous Next