Grenell kërkon mbylljen e Zërit të Amerikës dhe Radio Evropa e Lirë, dy mediat amerikane që transmetojnë edhe në shqip

Emisar për misionet e veçanta të SHBA-së, Richard Grenell ka kritikuar dy media amerikane se janë të mbushura me aktivistë të ekstremit të majtë.

Grenell ka shkruar në rrjetin social “X”, se Radio Evropa e Lirë dhe Zëri i Amerikës janë media të paguara nga taksapaguesit amerikanë, sipas tij të mbushura me aktivistë të ekstremit të majtë.

Zëri i Amerikës dhe Radio Evropa e Lirë janë të vetmet media amerikane që transmetojnë edhe në shqip, duke i dhënë zë problematikave në Ballkanin Perëndimor.

“Është media shtetërore. Këto media janë të mbushura me aktivistë të ekstremit të majtë. Unë kam punuar me këta gazetarë për dekada. Është një relike e së shkuarës. Ne nuk kemi nevojë për media të paguara nga qeveria”, ka shkruar ai.

Radio Free Europe and Voice of America are media outlets paid for by the American taxpayers. 

It is state-owned media. 

These outlets are filled with far left activists. 

I’ve worked with these reporters for decades. 

It’s a relic of the past. We don’t need government paid…

— Richard Grenell (@RichardGrenell) February 9, 2025