Gjermania mund të goditet rëndë nga tarifat e Donald Trump

Presidenti amerikan Donald Trump u shpreh i prerë se do vendosë tarifa tregtare ndaj vendeve të BE-së. Deklarata e tij shkaktoi tërmet në bursat evropiane. Një nga vendet që do goditet më rëndë do jetë Gjermania

Rreth 20 vende anëtare të BE-së eksportuan më shumë në SHBA sesa importuan në vitin 2023. Sipas Eurostat, agjencia e statistikave të BE-së, vendi me suficitin më të madh ishte Gjermania, e ndjekur nga Italia dhe Irlanda.

Kjo sugjeron se nëse do të vendoseshin tarifat ndaj BE-së, Gjermania – ekonomia më e madhe e BE – mund të goditet më rëndë. Më shumë se 30% e të gjitha eksporteve të mallrave transatlantike të BE-së ishin nga Gjermania në vitin 2023.

Shumica e eksporteve të Gjermanisë ishin makina dhe makineri. Trump është ankuar në mënyrë të përsëritur për eksportet e makinave të BE-së në SHBA, me më pak automjete që dërgohen nga ana tjetër.

Trump beson se duke vendosur tarifa, ai mund të nxisë ekonominë amerikane, të mbrojë vendet e punës dhe të rrisë të ardhurat nga taksat. Kjo është e gjitha pjesë e zotimit të tij ‘America First’.

Por shumë ekonomistë kanë paralajmëruar se tarifat sapo kanë goditur bizneset dhe konsumatorët nga të dyja palët, veçanërisht duke pasur parasysh mundësinë e një përgjigjeje të BE-së, pasi gjërat thjesht do bëhen më të shtrenjta.

Presidenti gjithashtu dëshiron që BE të blejë më shumë naftë dhe gaz nga SHBA. Që kur BE u largua nga karburantet fosile ruse, SHBA u bë furnizuesi i saj më i madh i gazit natyror të lëngshëm (LNG).