What the fuck, ku jemi katandisur! Disa molepsje në fshatin tonë të pushtetit

Ç’dreqin bëhet kështu? Të gjithë janë mpleksur me të gjithë në fshatin tonë të pushtetit. Eufemizmi anglez “WTF” është shumë i butë për të protestuar.

Facebook-u foli para dy ditësh. Kur gjithë bota po shihte me ankth urdhrat ekzekutivë të Trump, Hamas po lëshonte pengjet me pikatore, ndërsa Fatmir Mediu vraponte me ankth korridoreve duke i kërkuar çdo kongresmeni në USA, me përulësi: “Can we take a picture together?”

Postimi tregon dy “armiq” të puqur për të ngrënë e për të pirë në një aktivitet në Itali. Me rastin e fillimit të sezonit gjyqësor, Gjykata e Kasacionit në Itali ka si traditë të organizojë një ceremoni të thjeshtë ku mblidhen gjyqtarë e të ftuar. Aty u shfaq kryetari i Gjykatës së Lartë të Shqipërisë, Sokol Sadushi, me kryetaren e Gjykatës Kushtetuese Holta Zaçej. Fotot e aktivitetit u hodhën në Facebook nga Ida Laska (Vodica), drejtoreshë e marrëdhënieve me publikun në Gjykatën e Lartë.

Lajmi u duartrokit me ‘like’ nga vjehrra e saj Fatmira Laska, një nga tre gjyqtarët që vendosi dënimin me vdekje të poetit antikomunist Havzi Nela, e cila është edhe mamaja e gjyqtares që dënoi Princ Lekën, Migena Laska.

Sadushi dhe Zaçej shkuan për t’u relaksuar në Itali, pasi u “therën” në Shqipëri për mandatin e Holtës, nëse mbaronte në mars apo dhjetor. Shkuan për të shpenzuar ca para e disa ditë eksperiencë me “kolegët” italianë, në kohën kur kryeministri Rama regjistronte podkastin e përjavshëm, me ish deputetin e PD-së Selami Xhepën, të cilit iu ankua për “rastin spektakolar, se si gjyqtarët i rritën pagat vetes.”

Një nga gjyqtarët që votuan për veten është Sonila Bejtja (Ibrahimi).

“What The Fuck”, do shkruante në tetor 2023, burri i saj Andi Bejtja, në një shkrim kundër Edi Ramës. Bejtja, armik i betuar i qeverisë “Rama,” është drejtor kryesor tek “3 DS & AF Entertainment”, më thjesht tek TV Syri, akoma më thjesht tek media e Familjes Berisha. Në një shkrim tjetër kur KQZ nuk regjistroi PD-në e Berishës në zgjedhje, Bejtja shpërtheu: “Mbajeni vulën në bythë t’iu bëjë dhe një kolonoskopi Yuri Kim.”

Por Bejtja Anti-Ramë, Anti-Makron, Anti-Yuri Kim, nuk i nxori asnjëherë ‘gjuhën’ gruas së tij, kur ajo me shoqet demokrate dhe socialiste, morën dhjetëra vendime pro-qeveritare. Bejtja i Berishës nuk e ka përqeshur kurrë motrën e kunatit të tij, Livia Ibrahimi, që punon në Bashkinë Tiranë, as motrën e saj arkitekten Samuela Hidri që projektonte për (kë?) zyrën e Rea Xhillarit, thjeshtrës së Edia Ramës. As kunatin e tij, Erand Ibrahimi, që nga krahu i djathtë i Armando Dukës së FSHF-së, ka dalë krahu i djathtë i paneleve fotovoltaike të “Ballukut,” me kompaninë GREENALB TECHNOLOGIES, Nipt M31806021B.

What the fuck! Ku jemi katandisur!

Gjykata Kushtetuese e Shqipërisë është poshtëruar nga ngjarjet banale të kohëve të fundit dhe më tepër mga emërimet politike të anëtarëve të saj. CV-të e tipit “Bejtja,” nga notere partie në votuese qeverie, e kanë kthyer gjykatën më të lartë të vendit në një kopje të shëmtuar të Bankës së Shqipërisë, me rroga më të larta dhe qoka më të rënda.

Fasada e Gjykatës Kushtetuese dhe e Bashkisë Tiranë, po spërkatet pa pushim nga protestat demokrate, ndërkohë që Sonila Betja, vëllai i saj, gruaja e tij dhe motra e gruas, bashkë me poetin erotik Andi Bejtja, i kanë blinduar interesat e tyre, sa nga Bashkia “Veliaj”, sa nga Edi Rama, sa tek Syri “Berisha”.

Demokratët protestues, të përndezur për drejtësi, nuk e dine se parija e tyre puthet natën e shqyhet ditën me pushtetin socialist. Kumbarët e të dy krahëve shahen, shtyhen, divorcohen por kurrë nuk ndahen. Se kanë pjellë një fëmijë që quhet KORRUPSION. Për të duhet të kujdesen gjithë jetën…

What the fuck, lista e pushtëve që hanë e pinë në kurriz të atyre që paguajnë dhe besojnë politikën e të dy krahëve nuk mbaron. Kjo listë ka emra që turpërojnë spektrin e ngjyrave. Ata ngjyhen njëherë me blu, njëherë mavi… më të poshtrit i mbajnë të kombinuara, njëkohësisht!