U kap me rreth 28 mijë euro në Kapshticë, procedohet 50-vjeçari! Ja ku i kishte fshehur paratë

Një 50- vjeçar turk është proceduar në gjendje të lirë, pasi tentoi që të nxirrte rreth 28 mijë euro nga Kapshtica.

Gjatë kontrollit të shërbimeve të Policisë Kufitare të PKK Kapshticë, në vijën e dytë, në kamionin që drejtohej nga 50-vjeçari, me inicialet A. D, u gjet e fshehur në kabinën e kamionit, një çantë krahu me 27 915 euro dhe 2935 dollarë, të cilat ky ai po tentonte t’i nxirrte nga vendi ynë, pa i deklaruar në pikën e kalimit kufitar.

Shuma e eurove dhe dollarëve u sekuestrua nga Policia, në cilësinë e provës materiale. Ai akuzohet për veprën penale “Mosdeklarimi në kufi i të hollave dhe sendeve me vlerë”.