U mor i pandehur për aferën ‘Partizani’, Berisha shpërthen ndaj prokurorëve të SPAK: Monstra

Sali Berisha ka dalë në një konferencë për shtyp, ku sulmoi prokurorët pasi SPAK e mori të pandehur për akuzën e korrupsionit pasiv për aferën e privatizimit të kompleksit Partizani.

“Kur ke bërë pazare me vrasësit, për t’u pasuruar vetë, për të blerë apartamente vila, që me rrogën tënde nuk i blije dot kurrë, apo kur ke përdorur paratë e vrasësve, përdhunuesve, për shkollimin e fëmijëve apo për bixhoz, kur ke përdorur detyrën e besuar për të bërë jo prokurorin, por skllavin e tij dhe ke shitur çdo gjë njerëzore, dhe je zhveshur e shpërfytyruar nga morali njerëzor, t’i bëhesh më i ligë se padroni yt vrasës.

Bëhesh më hajdut se hajduti, më vrasës së vrasësit. Të tillë janë anëtarët e organizatës kriminale SKAP. Janë monstra”, tha Berisha.