Itali/ Shqiptari bie nga skela 7 metra e lartë, në gjendje të rëndë për jetën

Një aksident i rëndë ka ndodhur sot në Pomezia, në periferi të Romës, ku një punonjës shqiptar ka rënë nga një lartësi prej 7 metrash ndërsa po punonte në një kompani lokale.

Ngjarja ka ndodhur rreth orës 10:30 të mëngjesit, dhe deri më tani, rrethanat e sakta të incidentit mbeten të paqarta. Pas rënies, i plagosuri ka pësuar lëndime të rënda dhe është transportuar menjëherë me helikopter në spitalin San Camillo në Romë. Mjekët po luftojnë për ta mbajtur në jetë, pasi gjendja e tij shëndetësore është kritike. Autoritetet italiane, përfshirë karabinierët, janë duke hetuar intensivisht për të kuptuar se çfarë ka ndodhur dhe për të përcaktuar përgjegjësitë e mundshme në këtë incident tragjik.