Arrestohet “ngacmuesi serial” i grave, Marrash Gjoklaj! Ngacmoi dy vajza sapo fitoi lirinë me kusht pas dënimit (minimal) për përdhunim

Një 27 vjeçar është arrestuar nga policia e Tiranës për ngacmim seksual ndaj një 19 vjeçare në ambientet e punës së kësaj të fundit.

Mësohet se i arrestuari Marash Gjoklaj ishte dënuar me 4 vite burg për marrëdhënie seksuale me të mitura, ishte liruar, me kusht nga gjykata.

Ngjarja e ngacmimit seksual ndaj 19 vjeçares ka ndodhur mbrëmjen e djeshme teksa kjo e fundit ishte në punë. Gjithashtu po ditën e djeshme, i arrestuari dyshohet se ka kanosur me mjet prerës thikë, një 20-vjeçare, në Rrugën e Dibrës.

Policia njoftoi se 27 vjeçari kishte kërcënuar me thikë edhe një 20 vjeçare ditën e djeshme në Rrugën e Dibrës.

Njoftimi:

Ngacmoi seksualisht një shtetase, vihet në pranga 27-vjeçari. I arrestuari, i dënuar më parë me 4 vjet burgim, për marrëdhënie seksuale me dhunë me të rritura, aktualisht i liruar me kusht.

Specialistët për Hetimin e Krimeve të Komisariatit të Policisë Nr. 4, pas njoftimit të marrë se një një biznes në njësinë administrative nr. 8, një shtetas kishte ngacmuar seksualisht një 19-vjeçare, kanë organizuar menjëherë punën për identifikimin dhe kapjen e autorit dhe vënien e tij para përgjegjësisë ligjore.

Falë veprimeve të shpejta profesionale u bë i mundur identifikimi dhe vënia në pranga e autorit të dyshuar, shtetasit M. Gj., 27 vjeç, banues në Tiranë.

Ky shtetas, mbrëmjen e djeshme, ka ngacmuar seksualisht një 19-vjeçare, në ambientet e punës së saj.

Gjithashtu, po ditën e djeshme, i arrestuari dyshohet se ka kanosur me mjet prerës thikë, një 20-vjeçare, në Rrugën e Dibrës.

Nga verifikimet e kryera ka rezultuar se i arrestuari ka qenë i dënuar më parë me 4 vjet burgim, për marrëdhënie seksuale me dhunë me të rritura, dhe aktualisht është i liruar me kusht.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.