Ky është Taulant Dika që humbi jetën në fasoneri, e zuri makineria, pronari i biznesit tentoi të fshihte ngjarjen

Taulant Dika, ka humbur jetën tragjikisht një ditë më parë në Thumanë pasi e ka zënë tranxha, një makineri që përdoret për prerjen e shollëve të këpucëve në fasoneri.

Taulant Dika është baba i dy fëmijëve.

Aksidenti ka ndodhur teksa 34-vjeçari po spostonte tranxhën dhe kjo e fundit nga pesha e madhe ka rënë duke e zënë poshtë. Fasoneria është rreth 100 metra larg banesës së viktimës dhe është në pronësi të Alfred Kaleshës. Pronarët e fasonerisë janë përpjekur që të mbajnë të fshehtë ngjarjen.

Sipas burimeve fasoneria ka vetëm pak kohë që është hapur në zonën e Thumanës.