Edi Rama propozon Vlora Hysenin në krye të SHISH, ish-zv/drejtoresha e Inteligjencës së Kosovës

Kryeministri Edi Rama njofton se gjatë takimit që ka pasur këtë të premte me Presidentin Bajram Begaj, i ka propozuar emërimin e drejtuesit të ri të Shërbimit Informativ të Shtetit. Bëhet fjalë për Vlora Hysenin, një shqiptare e Kosovës.

Rama thotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar.

“Sot i paraqita Presidentit të Republikës propozimin për emërimin e Znj.VLORA HYSENI drejtore e Shërbimit Informativ Kombëtar, me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar”, shkruan Rama.