Albano Velo që vrau Papajn është djali i një polici, Rrumbullaku pezullon nga detyra babain e tij dhe nis hetimet

30-vjeçari Albano Velo, i arrestuar si një prej autorëve të vrasjes së biznesmenit Edmond Papa pasditen e 16 Dhjetorit në Tiranë, është djali i një efektivi polici.

Bëhet fjalë për efektivin Dilaver Velo, me detyrë trup shërbimi në Seksionin e Patrullës së Përgjithshme në Komisariatin e Policisë Nr. 4, Tiranë.

Pas verifikimeve, Drejtoria e Përgjithshme e Policisë së Shtetit ka pezulluar nga detyra efektivin Dilaver Velo dhe ndaj tij ka nisur hetimin e thelluar.

Njoftimi:

Në lidhje me identifikimin, kapjen dhe ndalimin e njërit prej autorëve të vrasjes së shtetasti E. P., nga verifikimet ka rezultuar se shtetasi i ndaluar A. V., është djali i një punonjësi Policie.

Menjëherë pas ndalimit të shtetasit A. V. Drejtoria e Përgjithshme e Policisë së Shtetit ka bërë pezullimin nga detyra të punonjësit të Policisë, inspektor D. V., me detyrë trup shërbimi në Seksionin e Patrullës së Përgjithshme në Komisariatin e Policisë Nr. 4, Tiranë.

Gjithashtu Drejtoria e Standardeve Profesionale në Drejtorinë e Përgjithshme të Policisë së Shtetit ka nisur hetimin e thelluar ndaj punonjësit të Policisë, të pezulluar nga detyra.