Ish drejtori i Ramës, Shemsi Prençi: Meta dhe Berisha, zyrtarë korrektë dhe vizionarë

Ish-drejtuesi i Lartë i Policisë së Shtetit, Shemsi Prençi u shpreh në një intervistë për Euronews Albania se ka punuar më herët edhe me Sali Berishën e Ilir Metën dhe sipas tij të dy kanë qenë zyrtarë shumë korrektë dhe vizionarë.

“Unë kam punuar me të dy, edhe me Berishën edhe me Metën. Që të dy për mua kanë qenë zyrtarë korrektë dhe vizionarë në aspektin e angazhimit shtetëror. Mua ndoshta më jep avantazh, më njohin për profesionalizmin dhe eksperiencën e menaxhimit të situatave tepër të vështira. Unë kam qenë në shërbim të njerëzve në nevojë. Marrëveshja ende nuk është e konkretizuar më të gjitha këto parti politike, përfshi edhe z. Mediu”, u shpreh Prençi.

Shemsi Prençi ka vendosur të marrë pjesë në primaret për Bashkinë e Kamzës, duke synuar kështu drejtimin e kësaj bashkie.