Gati për veprim / Bosi Elton Kika në shenjestër për t’u eliminuar nga Luis Gaxha dhe Rigers Spahiu që u goditën nga policia në Elbasan? Suel Çela i dha 200 mijë euro Dumanit për ta hequr qafet, por mbeti vetë i plagosur

Drejtoria e Policisë së Elbasanit në bashkëpunim me Prokurorinë arritën të parandalojnë ekzekutimin e një biznesmeni të njohur në qarkun e Elbasanit.

Sipas burimeve, në shenjestër ishte biznesmeni Elton Kika, i njohur si Oti, i skeduar për trafik droge.

Nuredin Dumanit i ishin ofruar 200 mijë euro nga Suel Çela për të eliminuar biznesmenin Elton Kila (i thirrur Oti), ngjarje kjo që u tentua të realizohej nga Dumani më 29 mars të këtij viti, pikërisht data ku Dumani mbeti i plagosur dhe më pas u arrestua në qytetin e Fierit.

Policia e Elbasanit ka marrë informacion se Luis Gaxha dhe Rigers Spahiu po përgatiteshin për të ekzekutuar biznesmenin e njohur në Elbasan.

Në momentin e ndërhyrjes për arrestimin e dy personave të rrezikshëm Luiz Gaxha dhe Rigers Spahiu, policia e Elbasanit ka sekuestruar një arsenal të madh armësh.

Konkretisht, në banesën e shtetasit Luis Gaxhi, u gjetën:

4 armë zjarri kallashnikovë, dy prej të cilave të modifikuara dhe me silenciatorë;

3 pistoleta me silenciatorë;

2 mina me telekomandë, të gatshme për t’u aktivizuar për shpërthim me komandim në distancë, nëpërmjet aparateve celulare;

Kapsolla detonatore;

Një sasi lënde plasëse, e dyshuar “C4”;

4 aparate celulare;

Sasi e konsiderueshme municioni luftarak, blindshpues.