Tronditëse në Shkodër, 49-vjeçari qëlloi me armë në drejtim të fëmijëve në lulishte pasi djali i tij kishte bërë sherr me to! Vetëdorëzohet në polici

Agron Mahmuti (Mehmeti) është autori i cili hapi zjarr në drejtim të një grupi fëmijësh një ditë më parë në Shkodër, në afërsi të gjimnazit “28 Nëntori”.

Burime bëjnë me dije djali i tij dy ditë më parë ka pasur një konflikt me fëmijët që ishin në lulishte të moshës 13-vjeç, ndaj të cilëve hapi zjarr 49-vjeçari. Agron Mahmuti ka shkruar që të sqarohet dhe ka qëlluar me qytën e pistoletës një nga fëmijët, e më pas ka hapur zjarr ndaj tyre. Fatmirësisht nuk pati të lënduar. 49 vjeçari është vetëdorezuar sot në mëngjes në policinë e Shkodrës.

Ngjarja ndodhi pasditen e djeshme dhe sipas ai është afruar në vendin ku po qëndronin fëmijët dhe ka qëlluar me pistoletë në drejtim të tyre. Për fat të mirë, fëmijët e kanë pikasur para se ai të qëllonte dhe janë larguar me shpejtësi.

Plumbi ka përfunduar në pjesën e pasme të një kondicioneri në një lokal në afërsi. Të njëjtat burime raportojnë se 49-vjeçari ka qëlluar me qyten e pistoletës njërin nga fëmijët. Menjëherë pas ngjarjes është larguar me biçikletë.