I dënuar me burgim të përjetshëm për vrasjen e dyfishtë në Lushnjë, Orges Bilbili kërkon pafajësi nga Apeli

Orges Bilbili, i dënuar me burg të përjetshëm nga Gjykata e Posaçme për vrasjen e dyfishtë në Lushnjë, kërkon pafajësi nga Gjykata e Apelit të Posaçëm.

Në apelimin e dorëzuar në Apel, avokati Detar Hysi pretendon se dënimi i Bilbilit është bërë në mungesë të provave shkencore dhe me prova të manipuluara në kundërshtim me ligjin.

Bilbili dhe Anterio Kaloshi u shpallën fajtorë nga gjykata për vrasjen e Zamir Latifit e Jurgen Hoxhës dhe plagosjen e dy personave të tjerë në Lushnjë në 2017-ën në bazë të disa pamjeve filmike dhe dëshmive të të afërmve të viktimave.

Ndërkohë ai mori pafajësi për dyshimet se ishte përfshirë në atentatin ndaj nipit të Aldo Bares, Xhulio Shkurtit.