Ekskluzive / SPAK kërkon arrestimin e avokatit Alban Bengasi, udhëroi bandat që të hidhnin në erë makinën e ish gruas së tij

Prapaskena mëson se pjesë e listës së emrave që po kërkohen të arrestohen nga SPAK është edhe avokati i bjohur Alban Bengasi, i njihur si avokat edhe i bandave kriminale.

Bengasi ka dalë në skenë gjatë përgjimeve, ku kërkon nga grupet kriminale që të hidhnin në erë makinën e ish-bashkëshortes, me të cilën është në proces divorci.

Dy vjet më parë, Bengasi u denoncua në media se dhunonte gruan e tij Blerta Bengasi, në proces divorci.

Blerta deklaroi asokohe se ajo është divorcuar dhe është dëbuar nga shtëpia nga ish-bashkëshorti Alban Bengasi, i cili nuk ia ka lënë as të shohë fëmijët.

Benfasi njihet edhe si avokat i Ervin Matës, ish i dashuri i Elvana Gjatës, pjesë e masakrës në ish Bllok.

Operacioni është në vijim dhe nuk dihet ende nëse është arrestuar apo jo avokati në fjalë, i cili gjatë punës së tij ka bërë edhe mbrojtjen e anëtarëve të këtyre grupeve kriminale në gjyq.

Urdhër arrestet u firmosën nga gjyqtarja e gatshme e GJKKO-së Atalanta Zeqiraj pas kërkesës nga disa prokurorë të SPAK-ut.

Mësohet se deri më tani është arrestuar vetëm një person në Peqin, ndërsa operacioni vijon dhe pritet që prokurorët e SPAK të dalin në një konferencë për shtyp në orën 13:00.

Operacioni u zhvillua pas zbërthimit të Nuredin Dumanit para prokurorëve të SPAK, i cili ka zbardhur një mori ngjarjesh të bujshme kriminale që kanë ndodhur gjatë viteve të fundit në vend, kryesisht atentate të bujshme në Elbasan, Tiranë, Peqin dhe Shkodër.