Seanca parlamentare – Kuvendi e nis me 1 minutë heshtje në nder të kryepeshkopit Anastas

Parlamenti i Shqipërisë ka mbajtur një minutë heshtje për ndarjen nga jeta të kryepeshkopit Anastas  Janullatos.

Kryetarja e parlamentit Elisa Spiropali, në fjalën e saj deklaroi se me përkushtimin e tij të jashtëzakonshëm, kryepeshkopi Anastasi kontribuoi në harmoninë dhe bashkëjetesën fetare në Shqipëri, paqen dhe mirësinë mes popujve të rajonit dhe në botë.

“Kryepeshkopi Anastas përgatiti dhe mbështeti brezat e rinj të klerikëve, për të vazhduar misionin e Kishës Ortodokse Autoqefale të Shqipërisë.

Me përkushtimin e tij të jashtëzakohshëm, Anastasi kontribuoi në harmoninë dhe bashkëjetesën fetare në Shqipëri, paqen dhe mirësinë mes popujve të rajonit dhe në botë.

Në emër të Kuvendit, i shprehim ngushëllime Kishës Ortodokse. Për të shprehur ngushëllime për kryepeshkopin, ju ftoj të mbani 1 minutë heshtje”, tha Spiropali.