‘E kam bërë nga presioni’/ Dyshohet si “molla e sherrit” për vrasjen e Martin Çeços, Tina mohon gjithçka

Gjykata e Korçës ka lënë në burg Martina Pajollarin, e cila dyshohet se është bashkëpuntore e autorëve të vrasjes së Martin Çeços, me të cilën ajo dyshohet se kishte lidhje paralele.

Ndaj saj u caktua masa e sigurisë “arrest me burg”, nga trupa gjykuese që kryesohej nga gjyqtari Besnik Shehu.

Pajollari u arrestua nga policia e Korçës, 4 muaj pas vrasjes së Martin Çeços, 26-vjeçarit me të cilin ishte në një lidhje në fshatin Kolanec të Maliqit.

Sigurohen nga Prapaskena pamjet nga seanca gjyqësore e mbajtur këtë të hënë në Gjykatën e Korçës për Martina Pajollarin.

Siç duket nga pamjet e siguruara Pajollari shfaqet e qetë në sallën e gjyqit. 18-vjeçarja ka deklaruar që gjithcka ka thënë para grupit të hetimit e ka bërë nën presionin e Policisë.