Ilir Meta spiun i Sigurimit të Shtetit, spiunoi shokun e ngushtë, zbulohet pas 32 vitesh dosja. A do largohet nga politika tani?

Ilir Meta rezulton spiun i Sigurimit të Shtetit, fakt që për 32 vite e ka mbajtur të fshehtë. Madje Ilir Meta ka spiunuar shokun e tij të ngushtë.

Ka pasur zëra që Meta ka qenë rekrutuar nga SHIK-u i Bashkim Gazidedes për të spiunuar lëvizjet e Fatos Nanos tek Berisha, por që Meta spiun i Sigurimit, tashmë është zbuluar për herë të parë.

Pasditen e sotme, Autoriteti i Dosjeve, publikoi një njoftim ku thoshte se “Në kuadër të punës së përditshme me përpunimin e materialeve të ish-Sigurimit të Shtetit, së fundmi Autoriteti është ndeshur me informacione dhe të dhëna mbi një personazh me profil të lartë politik. Institucionit iu kërkua nëpërmjet postës elektronike që të verifikohej figura e shtetasit I. M. në dosje të klasifikuara të ish-Sigurimit të Shtetit. Konstatimi u shqyrtua me përgjegjësi dhe materialet u bënë të njohura për të gjithë anëtarët e zgjedhur”.

I. M., është pikërisht Ilir Meta. Ai ka mbajtur disa poste të rëndësishme, nga deputet, kryeministër, kryetar i Kuvendit dhe së fundmi deri dy ditë më parë President i Republikës. Nëse ligji do të ishte ndryshuar dhe Kuvendi do kishte marrë parasysh kërkesat e Autoritetit të Dosjeve, Ilir Meta edhe mund të mos ishte bërë President.

Ka qenë një email anonim që i ka mbërritur AIDSSH, një orë pasi Meta doli nga zyra e Presidentit.

Personi i cili ka dërguar informacion, ka njoftuar Autoritetin e Dosjeve për periudhën kohore, ngjarjen dhe detaje të tjera që kanë çuar në identifikimin e politikanit të lartë I.M, i cili rezulton se është Ilir Meta.

Kur anëtarët e Komisionit kanë bërë verifikimet përkatëse, sipas orientimeve dhe informacioneve në email-in anonim, kanë arritur në konkluzionin se bëhej fjalë për ish-kryeministrin, ish-kryetarin e Kuvendit dhe ish-Presidentin e vendit.

Gjithashtu mêsohet se Ilir Meta ka spiunuar një shokun e tij, i cili të vetmin gabim që kishte bërë ishte se po mendonte të arratisej nga Shqipëria gjatë regjimit komunist. Meta ka bashkëpunuar me ish-Sigurimin famëkeq dhe ka njoftuar për planin e shokut të tij.