Angelina Jolie, gruaja që u bë simbol i përkushtimit dhe mëmësisë, po kalon një nga periudhat më të vështira të jetës së saj – atë të largimit të fëmijëve. E mësuar të jetë zemra rrahëse e një familjeje me gjashtë fëmijë, Jolie tani ndjen një boshllëk që thellohet çdo ditë.

Burime pranë aktores zbulojnë se ajo po përpiqet të përballojë faktin që fëmijët e saj janë tashmë të rritur dhe gjithnjë e më të pavarur. Megjithëse ka në plan të zhvendoset në Nju-Jork, marrëveshjet e kujdestarisë e ndalojnë ta bëjë këtë plotësisht deri sa binjakët e saj, Knox dhe Vivienne, të mbushin 18 vjeç.

Por dhimbja më e madhe ka ardhur nga një episod i vogël, por thellësisht prekës: kur Jolie i tha njërit prej djemve të saj se do të shkonte ta vizitonte në apartamentin e tij në NYC, ai i kërkoi të shtynte ardhjen për një ditë – me justifikimin se donte të pastronte. Një kërkesë e thjeshtë, por që thuhet se e ka lënduar aktoren deri në palcë. Ajo nuk e fsheh më ndjesinë e të qenit e përjashtuar, teksa fëmijët e saj fillojnë të ndërtojnë jetët e tyre larg saj. “Ndjehet e vetmuar, sikur nuk ka më një vend ku të mbështetet,” – thotë një burim i afërt me familjen. “Gjithë jetën ia kushtoi rritjes së tyre, dhe tani që ata po fluturojnë drejt botës, ajo ndjen sikur ka humbur identitetin.”