Prapaskena

Pa kategori

“Mushka, çokollata dhe pako”, gjuha e koduar që përdorte grupi i trafikut të drogës Shqipëri-Itali. Zbardhen bisedat

Publikuar: 28/01/2023

Dalin detaje nga dosja hetimore e Prokurorisë së Posaçme (SPAK) që çoi në shkatërrimin e bandës të trafikut të drogës Shqipëri-Itali, me 3 bosa shqiptarë, dhe që qëndrën e kishte në Durrës. Dosja e plotë prej 120 faqesh ka të gjitha detajet dhe komunikimet që janë përftuar përmes përgjimeve, të cilat janë paraqitura si prova dhe fundosin anëtarët e grupit kriminal.

Në dosje thuhet se ky procedim penal është hetuar në kuadër të një skuadre të përbashkët hetimore me autoritete italiane dhe janë kryer një sërë veprimesh hetimore nga autoritet e drejtësisë të të dyja vendeve.

Pjesa e parë e dosjes flet për episodën e parë: Furnizimet me lëndë narkotike a favor të shtetasve Renato Zefi dhe Gjergj Zefi, nga shtetasit Alfred Luli dhe Gjergji Luli.

Në dosjen hetimore thuhet se nga veprimet hetimore të kryera është provuar Alfred Luli dhe Gjergji Luli kenë transferuar, shitur dhe tregtuar tek Renato Zefi dhe Gjergji Zefi një sasi lënde narkotike të llojit kokainë, që llogaritet në masën rreth 10 kilogramë, që i korespondon një vlerë prej rreth 200,000 Euro.

Kjo sasi lende narkotike është marrë nga Renato Luli dhe Gjergji Luli dhe iu është shpërndarë më pas klientëve të tyre. Këto veprime janë kryer në Bergamo, në periudhën midis marsit dhe nëntorit të vitit 2016. Po kështu, është provuar se shtetasit Alfred Luli dhe Gjergji Luli kanë transferuar, shitur dhe tregtuar tek Renato Zefi dhe Gjergji Zefi një sasi lende narkotike të llojit kokainë, në masën 2 kilogramë. Kjo sasi lënde narkotike është marrë nga Renato Luli dhe Gjergji Luli dhe është sekuestruar në Bergamo, në datën 25 janar 2017.

Më pas në dosje bëhen të ditura episode të pikasjes ku këta persona janë kapur duke shitur drogë. Në një moment Alfred Luli u kap dhe arrestua në flagrancë dhe njëkohësisht u krye kontrolli i banesës së tij në Osio Sopra, në Bergamo, në të cilën u gjetën dhe sekuestruar një sasi lende narkotike e llojit kokainë rreth 6 kg e ndarë në tre qese, si dhe një sasi prej 83,7 kg hashash dhe 42,5 kg lëndë narkotike marijuanë. Në këtë banesë janë gjetur edhe pajisje për to paketuar dhe mbyllur me nxehtësi qese me vakum si dhe disa flakonë me aceton.

Nga veprimet hetimore të mëtejshme të kryera nga Prokuroria e Bergamos u mblodhën prova se Alfred Luli, kryente prej vitesh aktivitetin e trafikimit dhe tregtimit të lëndëve narkotike në bashkëpunim me vëllain e tij Gjergj Luli dhe me shtetasin Saimir Prenga. Në banesën e shtetasit Alfred Luli u gjetën dhe sekuestruan pesë fletore dhe fletë të shkruara me dorë, me sasi dhe emra dhe llogari të aktivitetit të shitjes së drogës. Nga ekzaminimi i këtij dokumentacioni a konstatues se bëhej fjalë për një kontabilitet të pjesshëm që lidhej me periudhën korrik 2015-shkurt 2017. Ne to përdorej gjuhë e koduar, me simbole dhe fjalë që tregonin sasitë dhe llojin e lëndës narkotike.

Nga analizimi i provave të mbledhura është bërë e mundur rindërtimi i një xhiroje të madhe parash që buronte nga tregtimi i drogës.

Ndërkohë që janë sekuestruar edhe disa fletore, ku është gjetur i shënuar klienti me emrin “Renato”, i identifikuar si Renato Zefi. Në fletore janë gjetur shënime për dorëzimin e lëndës narkotike për periudhën 07 mars 2016 deri në 29 mars 2016.

Në fletore ishte përdorur një gjuhë e koduar, nga e cila megjithatë u arrit të deshifroheshin disa simbole dhe disa fjalë që tregonte sasitë dhe llojin e drogës. Për më tepër, analiza e korrespondencës së sipërpërmendur bëri të mundur identifikimin e një pjese të marrësve të drogës. Më poshtë është lista e plotë e simboleve ose termave të përdorura në “kontabilitet” të referuara në mënyrë të përsëritur:

Simbolet e përdorura nga krimi

Simboli “S” tregon për lëndën narkotike të llojit marihuanë me origjinë nga Spanja;

Simboli “A” tregon për lëndën narkotike të llojit marihuanë nga Shqipëria;

simboli “H” tregon substancën narkotike të llojit kokainë; fjala “tym” ose “çokollatë” tregon substancën narkotike të llojit hashash;

fjala “copë” përdoret për të treguar 1 gram; fjala “pako” përdoret për të treguar 1 kilogram;

fjala “lek” (monedhë shqiptare) përdoret për të treguar monedhën në euro;

fjala “mushka” përdoret për të treguar “korrierin” i ngarkuar për transportin e drogës ose parave.

Nga analizimi i fletoreve dhe llogaritjet e kryera si dhe nga veprimet e tjera hetimore është bërë e mundur që të përcaktohet se për periudhën 07.03.2016 deri në 24.01.2017 (dita e sekuestrimit të sasisë prej 2 kg) shtetasve Renato Zefi dhe Gjergj Zefi iu është dorëzuar nga shtetasit Alfred Luli dhe Gergji Luli në total sasia prej 12 kg lëndë narkotike e llojit kokainë, që i korespondon një vlere monetare prej mbi 200,000 Euro.

Biseda e datës 12.01.2018 ne oren 14:47 e zhvilluar ne bordin e automjetit Hyundai:
ARAPI Lorenc: Shko! Fajin e kane kartat e kreditit.
LULI Gergji: Por ne nuk e perdorim ate karte krediti.
ARAPI Lorenc: E perdor.
LULI Gjergji: Po pse e perdorni? Njeri i parave.
ARAPI Lorenc: Shko, shko!
LULI Giergit: Ku?
ARAPI Lorenc: Urgnano (komuna e rezidences se motres se Lorenci)
LULI Gjergji: Cfare pe?
ARAPI Lorenc: Pashe nja dy djem, mbeta i habitur se i pashe ketu. Une sapo kam ardhur.
Une kam ardhur tani, kam fjetur vetem nje ore qe nga mbreme. E pashe nga cepi i pasqyres. I pashe perseri, mbeta i habitur. Ne fakt e mora rrugen nga pas. Sido qe te jete, mos me ler jashte makines. Une shkoj ne kembe. Me ler me larg, ne anen e frutave. Ne rregull? ti shko merr rrugen pertej..
LULI Gjergji: Apo do te te le ne Urgano?
ARAPI Lorenc: Po, me ler ne Urgnano. Me lane pershtype ato bij k.., me nje BMË te zeze, 320.
LULI Gjergit: Ndaj me degjo tani… dua te te le nje detyre se nuk mund te flas me Mirin (Saimir PRENGA), e di?
.. Sepse Miri nuk po tregon fare vemendje. Une nuk jam nje idiot qe rri ne shtepi. Une jam nje djale i ri dhe jam gjithmone i mbyllur ne dhomen time … I bejme mireseardhjen, e marrim me vete. Duhet t’i thuash te mos perzihet me te tjeret. Nuk kam cfare t’i them sepse duket se po i thote me qellim.
ARAPI Lorenc: si si??
LULI Gergji: Keto shoke kemi.. se ka nje shok ketu me ne … ka ardhur per qef (viaggio di piacere)… ti e di festa etj… e hyr dil e di ti me…
ARAPI Lorenc: po po
LULI Gjergji: duhet t’i thuash “Miri rri ne shtepi”.
ARAPI Lorenc: I shkruaj
LULI Gjergji: Shkruaji ja le si detyre se e di si jam une te tregova.. une rri ne shtepi githe diten.
ARAPI Lorenc: Shiko mrapa aman
ARAPI Lorenc: Mbani syte hapur! Ju them sinqerisht! Kini kujdes djema



Më të lexuarat