AktualitetShëndet

Epokë e re në trajtimin e Alzhaimer, zbulohet ilaçi i rëndësishëm për sfidën e shekullit

Shkencëtarët e kanë konsideruar si tejet të rëndësishëm zbulimin e një ilaçi që ngadalëson shkatërrimin e trurit nga sëmundja e njohur si Alzheimer, forma më e shpeshtë e harresës. Megjithatë, ilaçi Lecanemab ka efekt të vogël dhe ndikimi i tij në përditshmërinë e njerëzve të prekur nga kjo sëmundje është duke u diskutuar.

Sipas studimeve, ilaçi e ka ngadalësuar përkeqësimin e sëmundjes për një të katërtën e personave të prekur nga kjo sëmundje përgjatë 18 muajve të trajtimit. Ilaçi funksionon në fazat e hershme të sëmundjes, prandaj shumë sëmundja mund të avancojë të shumë njerëz derisa ata ta zbulojnë atë.

Lecanemab prek proteinat e dëmshme që krijohen në trurin e një njeriu që ka Alzheimer. Ai është antitrup, sikurse ata që krijon trupi për të luftuar viruset dhe bakteret, i cili është krijuar për të mësuar sistemin imunitar që të pastrojë nga truri proteinat e dëmshme.

Aktualisht, njerëzve me Alzheimer u jepen ilaçe të tjera për të ndihmuar në menaxhimin e simptomave të tyre, por asnjëra nuk ka ndikimin e Lecanemab. Alzheimer’s Research UK tha se gjetjet ishin “të rëndësishme”. Prof John Hardy, tha se ishte “historike”. Profesor Tara Spires-Jones, nga Universiteti i Edinburgut, tha se rezultatet ishin “një punë e madhe sepse ne kemi pasur një shkallë dështimi 100% për një kohë të gjatë”.

Në provën e këtij ilaçi u përfshinë 1.795 vullnetarë, të diagnostikuar në fazë të parë të sëmundjes. Atyre u janë dhënë dozat e ilaçit të ri çdo katër ditë. Rregullatorët amerikanë janë duke analizuar këto të dhëna për të vendosur nëse do ta miratojnë ilaçin për përdorim të gjerë. Krijuesit e tij, kompanitë farmaceutike Eisai dhe Biogen, planifikojnë të aplikojnë vitin tjetër për miratim të ilaçit në shtetet tjera.

Postet e fundit

Lirohen nga qelia të arrestuarit për falsifikim të rezultatit të zgjedhjeve në Elbasan

prapaskena

Rama: Rrisim përsëri pagat e mjekëve dhe mësuesve, paga minimale do të shkojë në 34 mijë lekë

prapaskena

U torturua në kafazin pranë restorantit në Tiranë/ Ariu i murmë Mark mbërrin në Austri, si duket ‘shtëpia’ e tij e re

prapaskena