Ish deputeti i Shkodrës, Ramiz Çobaj ka ironizuar sloganin “Për një PD më të bashkuar”, duke bërë publik largimin nga puna të dy administratorëve të njësive Postribë dhe Dajç të bashkisë Shkodër.
Sipas tij, slogan i PD-së është tallës, pasi vetëm po i ndan demokratët dhe nuk po i bashkon.
“Drejt bashkimit të PD-SË? Përgjigjen e japin dy urdhërat e largimit nga puna (pa motivacion) të dy administratorëve të njësive Postribë dhe Dajç të bashkisë Shkodër, njëkohësisht edhe kryetarë grupseksionoesh në këto njësi. Sa tallës duket slogan Për një PD më të bashkuar”…”, shkruan ai në Facebook.
Kujtojmë se në krye të bashkisë Shkodër është Bardh Spahia, i vetmi nga radhët e PD-së që fitoi në zgjedhjet e pjesshme lokale të 6 marsit.
