Në mars të vitit 2015, Tom Doshi akuzonte Ilir Metën se kishte paguar Durim Bamin për ta vrarë. Ilir Meta ka një mal me mëkate, por në rastin konkret, pretendimi i Tom Doshit ishte një sajesë, për t’u hakmarrë ndaj Metës pas prishjes në pazare për ndarjen e llokmave të pushtetit.

Para se të grindeshin, Meta dhe Doshi shëtisnin me helikopter mbi Alpe, ndërsa ndanin drejtoritë, trafiqet dhe tregun e barnave.

Kur Tom Doshi instruktoi Durim Bamin dhe Mark Frrokun për sajimin e atentatit, duket se nuk i kishte bërë mirë llogaritë. Durim Bami dhe Mark Frroku u dënuan për atentatin e sajuar, ndërsa Tom Doshit iu zbuluan ca sekrete të sikletshme.

Prokuroria sekuestroi kamerat pranë vilës ku banonte Tom Doshi në Tiranë, në kuadër të hetimeve për atentatin e pretenduar.

Nga këqyrja e pamjeve filmike, u konstatua se në banesën e Tom Doshit hynin disa gra dhe vajza në orare të papërshtatshme.

Mes zonjushave që frekuentonin shtëpinë e Tom Doshit ishte edhe një deputete e PS-së, E. Sh. Zonjusha hynte në banesë, qëndronte disa orë dhe më pas dilte, duke u larguar me makinë.

Në vilën e Tom Doshit hynte edhe zonjusha e njohur M. A., sigurish jo në ditë të njëjtë me zonjushën E. Sh. Dukej qartë se karriera e disa deputeteve dhe drejtoreshave të PS-së bazohej mbi prehrin e Tom Doshit, pjesë e listës së zezë së SHBA.