Institucioni i Kuvendit të Shqipërisë ka reaguar për herë të parë pas padisë të Presidentit Ilir Meta nën akuzën e falsifikimit të dokumenteve.

Kuvendi sqaron opinionin publik se pretendimet e Metës janë të pavërteta, ndërsa nënvizon se Kuvendi ka depozituar pranë Gjykatës Kushtetuese dokumentacionin zyrtar ligjor që lidhet me çështjen në shqyrtim.

Njoftim për media nga Kuvendi i Shqipërisë:
“Në respekt të pavarësisë së institucioneve kushtetuese, duke qenë se Gjykata Kushtetuese është tërhequr për të marrë vendim, Kuvendi respekton heshtjen dhe nuk bën komente për rastin në fjalë.
Përsa i takon pretendimeve të Presidentit të Republikës për manipulim ose për fallsifikim, me përgjegjësi të plotë sqarojmë se këto pretendime nuk qëndrojnë.
Kuvendi i Shqipërisë, në datën 4 shkurt 2022, ka depozituar pranë Gjykatës Kushtetuese dokumentacionin zyrtar ligjor që lidhet me çështjen në shqyrtim”

Kujtojmë se ditën e sotme presidenti Ilir Meta dorëzoi padinë në Prokurorinë e Tiranës dhe në SPAK, ku e akuzon Kuvendin për falsifikim dokumentesh