Është ndërprerë me një orë seanca në Gjykatën Kushtetuese, në mënyrë që palët të mund të përgatisin diskutimet e tyre përfundimtare.
Ka qenë përfaqësuesi i presidencës ai që ka kërkuar kohë, kërkesë e cila është miratuar nga trupa gjykuese.
Seanca do të rifillojë në orën 12:00.
Kjo është seanca e tretë radhazi ku Gjykata Kushtetuese pritet të japë vendimin për shkarkimin ose jo të presidentit Ilir Meta, të cilit i skadon mandati në muajin korrik të këtij viti.
Më herët Gjykata u njoh me përgjigjet me shkrim të 72 pyetjeve që i kishte adresuar Metës.
Ende nuk mund të themi nëse gjatë ditës së sotme do të ketë apo jo një vendim përfundimtar.
