Të paktën 38 persona kanë vdekur dhe dhjetëra të tjerë janë plagosur nga një zjarr që shpërtheu në një burg në Burundi, në Afrikën Lindore.

Zëvendëspresidenti Prosper Bazombanza u tha gazetarëve se zjarri përfshiu një objekt të mbipopulluar në kryeqytetin Gitega, duke shkaktuar të paktën 69 persona të plagosur rëndë.

“Është vërtet katastrofike,” i tha BBC-së përmes telefonit një i burgosur.

“Unë do të thoja se pothuajse 90% e sallave të gjumit janë djegur.”

Një gazetar jashtë burgut tha për BBC se infermierët nga spitali Gitega kanë hyrë në burg për të ndihmuar të burgosurit, duke thënë se po nxjerrin të vdekurit dhe të plagosurit.

Zjarri filloi rreth orës 04:00 me orën lokale.

Ne filluam të bërtisnim se do të digjemi të gjallë kur pamë flakët që po ngriheshin shumë lart, por policia refuzoi të hapte dyert, duke thënë “këto janë urdhrat që kemi marrë”, tha një i burgosur për AFP.

Dëshmitarët i thanë AFP se zjarri tani është vënë nën kontroll.

Me kapacitet për 400 të burgosur, burgu Gitega mbante 1,539 të burgosur që nga muaji i kaluar, sipas Shoqatës së Krishterë Kundër Torturës (ACAT-Burundi).

Ministria e Brendshme me atë të një postimi në Twitter bëri me dije se shkak i zjarrit ishte një qark i shkurtër, shkruan BBC.