Një aksident me pasojë vdekjen ka ndodhur mbrëmjen e sotme në autostradën Lushnje-Rrogozhinë.
Një mjet i tonazhit të rëndë ka përplasur për vdekje një person të moshuar i cili nuk është identifikuar ende.
Mësohet se ngjarja ka ndodhur në afërsi të fshatit Zhamë.
Sipas drejtuesit të kamionit, i moshuari po kalonte në autostradë në momentin që e ka goditur.
Policia ndodhet në vendin e ngjarjes për të zbardhur rrethanat e plota të aksidentit, ndërsa po ndihmon dhe lëvizjen e automjeteve në autostradë.
