Ekspertët e shëndetit publik në Mbretërinë e Bashkuar nuk e kanë miratuar vaksinimin e fëmijëve të shëndetshëm të moshës 12-15 vjeç vetëm për arsye shëndetësore.

Komiteti i Këshillimit të Vaksinave (JCVI) ka deklaruar se fëmijët ishin në një rrezik aq të ulët nga virusi sa vaksinat do të ofronin mbivendosje antitrupash.
Komiteti këshilloi zgjerimin e programit ekzistues të vaksinave për të përfshirë 200,000 adoleshentë me sëmundje të tjera shoqëruese.
Mjekët identifikuan se fëmijët me sëmundje kronike të zemrës, mushkërive dhe mëlçisë ishin në rrezik shumë më të lartë nga Covid-19 sesa fëmijët e shëndetshëm.
Vendimi për të mos rekomanduar vaksinën për të gjithë fëmijët e shëndetshëm u bazua në shqetësimin për një efekt anësor jashtëzakonisht të rrallë të vaksinave Pfizer dhe Moderna i cili shkakton inflamacion të zemrës dhe mund të shkaktojë dhimbje gjoksi.
Të dhënat nga SHBA, ku miliona adoleshentë të rinj janë vaksinuar, tregojnë se ka 60 raste të sëmundjes së zemrës për çdo milion doza të dyta që u jepen djemve 12 deri në 17 vjeç (krahasuar me tetë në një milion vajza).

Franca, Italia, Izraeli dhe Irlanda po ofrojnë gjithashtu vaksinën për të gjithë fëmijët në këtë grupmoshë. Por meqenëse fëmijët janë në rrezik kaq të ulët nga virusi, JCVI deklaroi nuk kishte prova “të pamjaftueshme” për të ofruar vaksinim masiv për këtë grupmoshë.
JCVI tha se ishte e vështirë të merret parasysh Covid i gjatë në këshillat e tij për shkak të pasigurisë se sa e zakonshme është tek fëmijët, megjithëse duket se është më pak e përhapur tek të rriturit.
Wei Shen Lim, kryetar i imunizimit Covid për JCVI tha se marzhi i përfitimit konsiderohet shumë i vogël për të mbështetur vaksinimin universal të Covid-19 për këtë grupmoshë në këtë kohë.
“Komiteti do të vazhdojë të rishikojë të dhënat e sigurisë kur dalin,” shtoi ai.

Mjekët pediatër thonë se fëmijët e shëndetshëm me Covid-19 përfundojnë në kujdes intensiv me një normë prej dy në një milion, por kjo rritet në 100 në një milion për fëmijët me probleme të caktuara shëndetësore.
Si rezultat, këshilla e JCVI është që një grupi më të fëmijëve me sëmundje të rënda të moshës 12 deri në 15 vjeç duhet t’i ofrohet një vaksinë.

Ato përfshijnë fëmijë me probleme shëndetësore si:
-kanceret e gjakut
-sëmundja e qelizës drapër
-diabeti i tipit 1
-sëmundje të lindura të zemrës
-fëmijëve me astmë të kontrolluar dobët dhe gjendje të tjera të frymëmarrjes të cilat mund të rezultojnë në sëmundje të rënda nga Covid-19./BBC