Menjëherë pasi Sali Berisha njoftoi se ka ngritur padi ndaj Sekretarit Antony Blinken, “Vizion Plus” u interesua për të marrë një përgjigje nga Departamenti Amerikan i Shtetit lidhur me këtë veprim.
“Berisha deklaroi se ka ngritur një padi për shpifje në Gjykatën e Francës kundër Sekretarit Blinken. Si e komentoni këtë akt?”, pyet Vizion Plus.
Interesimit të “Vizion Plus”, zëdhënësi iu përgjigj duke thënë se DASH nuk ka ende një koment mbi deklaratat e ish-kryeministrit.
“Departamenti i Shtetit nuk ka një koment për t’iu ofruar në lidhje me kërkesën tuaj.”
Pak më herët, në një konferencë me gazetarët, ish-kryeministri deklaroi se ka paditur për shpifje në një Gjykatë në Paris, Sekretarin Amerikan të Shtetit, Anthony Blinken, pas vendimit të tij për të shpallur Berishën dhe familjen e tij si të padëshiruar në SHBA, nën akuzën e korrupsionit dhe minimit të demokracisë.
