Gazetarja Klodiana Lala tregoi detaje interesante lidhur, lidhur me ngjarjen e rëndë që ndodhi dje në Shkodër, ku në zonën e Livadheve u gjet i vdekur 32-vjeçari Endri Mustafa.

Teksa ishte duke komentuar deklaratën e Mustafa Licit, babait të Ibrahim Licit i cili është shpallur në kërkim për vrasjen e Endri Mustafës, Lala tha se në Shkodër ka familje kriminale shumë të sofistikuara që veprojnë si një organizatë mafioze.

Lala tha se shtëpia e Licajve në Shkodër është e rrethuar me mur të lartë, me kamera sigurie dhe tela me gjemba. Kjo tregon faktin se ata ruhen, mund të jenë në hasmëri dhe kanë konflikte me fise të tjera në Shkodër.

Lala: Dua të them diçka lidhur me deklaratën e Mustafa Licit. Se tha Curri më herët që këtu nuk ka banda, nuk ka krim e mafie.

Curri: Jo nuk e thashë këtë unë.

Lala: Shtëpinë e Mustafa Licit mund ta shohin nga sipër vetëm shqiponjat dhe zogjtë e tjerë. Sepse ajo shtëpi një katëshe është e rrethuar me një mur të paktën 5 metra të lartë. Ka kamera sigurie gjithandej dhe tela me gjëemba që nuk kalon njeri.

Curri: Po kështu ka plot.

Lala: Mos ndërhy në çdo fjalë. Fakti që është qëlluar në gojë dhe kokë që është braktisur që është lënë në atë pozicion fakti që ka filluar përplasja në distancë tregojnë organizim shumë të lartë mafioz në Shkodër. Ata janë në një konflikt të hapur dhe të vazhdueshëm që po prodhon vrasje pa fund. E dini si është vrarë Bardhok Pllanaj kumbari i Shkodrës? Nga një largësi e madhe dhe me mbi 70 plumba. E di çfarë ndodh në disa qytete të vendit, disa grupe kriminale diktojnë se çfarë duhet të ndodhi në vendin tonë. Emërojnë deputetë dhe zyrtarë të lartë. Tani pyes Currin se çfarë duhet të ndodhi më shumë që të quhet mafie?

Curri: Ta them çfarë duhet të ndodhi më shumë. Duhet të kenë një hierarki piramidale në krye një njeri që është i identifikueshëm. Të dalin të shfaqen të thonë që janë një organizatë mafioze. Të dihet se cila është organizata.