Pesë të rinjtë (përfshirë dhe dy të miturit), të cilët u arrestuan pasi sulmuan me thikë dhe plaçkitën një 60-vjeçar kanë dalë sot para Gjykatës.
Të katër autorët janë grekë, të moshës 22, 21, 19 dhe 16 vjeç dhe i pesti shqiptar, i moshës 17 vjeç akuzohen për grabitje dhe plagosje me dashje.
Po ashtu dy grekët; 21 dhe 16 vjeç akuzohen për mosbindje ndaj uniformave të Policisë. Ndërkohë që të rinjtë dolën para Gjykatës, 3 persona të tjerë janë shpallur në kërkim.
Por si ndodhi incidenti?
Grupi i të rinjve ishte mbledhur në një prej shesheve të Athinës dhe kishin vendosur që të dëgjonin muzikë nga makinat e tyre. 60-vjeçari iu afrua grupit të të rinjve dhe i kërkoi që të largoheshin në të kundërt do të lajmëronte Policinë. Të nxehur nga kërcënimi, të rinjtë e sulmuan me grushta dhe shkelma, ndërsa duke përdorur një send të mprehtë, e plagosën dhe në të njëjtën kohë i vodhën celularin. Hetimi i plotë policor identifikoi të akuzuarit si autorët e sulmit, por plagosjen e kreu 22-vjeçari.
