Kryeministri Edi Rama mbrëmjen e sotme ka qenë i ftuar në emisionin “Opinion”, së bashku me 3 kandidatët e rinj për deputetë të Partisë Socialiste, Bora Muzhaqin, Lavdrim Krashin dhe Edona Bilalin.

Gjatë bisedës në emision, gazetarja Mirela Milori “paralajmëroi” kandidaten Bora Muzhaqi për atë që e priste në 300 ditët e para, duke i thënë se asgjë nuk do të jetë e njëjtë me atë që është tani, ku të gjithë e duan.

Por menjëherë ka ndërhyrë kryeministri Rama, i cili e ka pyetur gazetaren se ku e dinte se çfarë do t’u ndodhte kandidatëve të rinj.

Milori: Bora ngaqë vjen nga Londra, vjen nga një mentalitet tjetër. Tani të gjithë të duan, por do ta shikosh në 300 ditët e para.

Rama: Ku i di kjo 300 ditët? Ku i di ti ça i bëjmë 300 ditët e para?

Milori: Pse nuk i dinë ato? A do t’i kesh deputete? Po nuk e ditën ato çfarë do t’u ndodh 300 ditët e para…

Rama: Jo, ku e di ti se çfarë do i ndodhë këtyre?

Milori: Po unë kam 23 vite që jap lajmë, që kur ke qenë ti ministër Kulture.