53 anëtarë të dyshuar si pjesë e organizatës mafioze Ndrangheta kanë rënë në prangat e policisë italiane ditën e sotme.
Operacioni është zhvilluar në Gioia Tauro, në Reggio Calabria ku janë arrestuar një sërë emrash të njohur të botës së krimit.
Sipas gazetës italiane “Repubblica’, një pjesë e madhe e të arrestuarve janë në moshë të re, kjo pasi organizata mafioze ka nisur të rekrutojë një të rinj, për të mbushur radhët pas goditjeve të shumta dhe arrestimeve të mëparshme nga policia.
Dosja e prokurorisë për këtë grup i kalon 1,500 faqe, ndërsa akuzat varjojnë nga armëmbajte pa leje në gjobëvënie, zhvatje, rrëmbim, trafik droge dhe falsifikim.
