Detaje të reja janë zbardhur në lidhje me vrasjen e gazetarit të njohur në Greqi, George Karaivaz, i cili u ekzekutua me 10 plumba pak para se të mbërrinte në banesën e tij.

Mediat greke bëjnë me dije se kjo nuk ishte hera e parë, por atentatorët kishin tentuar edhe tre herë të tjera që të ekzekutonin gazetarin.

Policia greke dyshon se ekzekutorët kanë qenë dy, ata janë kapur edhe nga kamerat e sigurisë, ku shihen dy ekzekutorët në motorr të maskuar, pak momente para atentatit.

“George Karaivaz ra viktimë e kriminelëve grekë dhe shqiptarë që jetonin në vendin tonë” janë shprehur autoritetet greke.

Në policia bashkëshortja e gazetarit është shprehur se ai nuk ndihej i kërcënuar dhe se shkonte në punë kthehej në shtëpi i qetë.

Policia ka sekuestruar pamjet e sigurisë dhe po punojnë për zbardhejn e ngjarjes dhe kapjen e autorëve, ata e përjashtojnë mungësinë që ekzekutorët të largohen nga vendi për shkak të masave Covid dhe që është e pamundur lëvizja.

Kujtojmë që gazetari grek u ekzekutua me 10 plumba ditën e premte pak larg nga shtëpia e tij. Besohet se krimi lidhet me detyrën e Karaivaz si gazetar i kronikës e zezë. Dikush që mund te jetë frikësuar me diçka që 46 vjecari ka publikuar tashmë ose me diçka që po studionte.

Arsyeja e vrasjes së tij mund të fshihet edhe pas raportimeve që gazetari ka bërë kundër policisë ku ngrinte dyshime për përfshirjen e zyrtareve në krime të rënda.