Dashuria, një ndjenjë sublime e cila nuk njeh limite, një ndjenjë që nuk njeh kufizime, një ndjenjë e aftë të tejkalojë çdo pengesë, një ndjenjë që thuhet se përshkon të gjithë universin. Kemi dëgjuar dhe parë histori dashurie nga më të ndryshmet dhe më të veçantat, por historia që u trajtua mbrëmjen e sotme në programin “Dua të të bëj të lumtur” ishte po aq e rrallë dhe e magjishme si dashuritë në përralla.
E gjithë përditshmëria, ëndrrat dhe qëllimet e Vilmës u transformuan nga gjithë kjo fatkeqësi, por me një fuqi të jashtëzakonshme, ajo i’a doli të shohë sërish jetën me të njëjtën buzëqeshje dhe pozitivitet rrezatues. Disa kohë më pas, nga një komunikim në rrjetin social “Facebook”, Vilma u njoh me Ervisin. Komunikimi i tyre dhe marrëdhënia e tyre po forcohej dita-ditës, por Vilmën e shqetësonte fakti që ishte në një karrige me rrota.
Ajo nuk i kishte thënë mikut te saj për fatkeqësinë që i kishte ndodhur, por një ditë kishte marrë guximin edhe i kishte treguar çdo detaj. Ervisi pavarësisht gjendjës së Vilmës kishte pranuar ndjenjat që kishte ndaj saj dhe kishin vendosur që të martoheshin.
Për këtë arsye Vilma kishte zgjedhur programin “Dua të të bëj të lumtur” për ta falenderuar që ka qenë mbështetja dhe forca e saj më e madhe, por edhe për t’i shprehur dashurinë bashkëshortit të saj.
Për çiftin ishte rezervuar edhe një surprizë tjetër. Ata patën mundësinë që të takonin dy këngëtarët e tyre më të preferuar Alban Skënderaj dhe Miriam Cani të cilët u shprehën: “Jemi shumë të emocionuar që jemi këtu me ju, sepse ju jeni frymëzim. Jeni një shembull i jashtëzakonshëm me dashurinë që keni krijuar. Jeta është juaja, prandaj mos dëgjoni asnjë tjetër përveç zemrës suaj.”.
Në fund programi “Dua të të bëj të lumtur” i mundësoi Vilmës që të kryente terapi me shpresën se së shpejti do të jetë sërish në këmbë.
