Kryetarja e Lëvizjes Socialiste për Integrim, Monika Kryemadhi është ndalur mëngjesin e sotëm në zonën e Saukut në Tiranë, ku edhe ka takuar zyrtarë dhe qytetarë, mbështetës së LSI-së.
Në fjalën e saj, Kryemadhi theksoi se ka një mungesë përgjegjshmërie nga ana e qeverisë duke e konsideruar situatë jashtëzakonisht të keqe atë të përmbytjeve në vend, ndërkohë që nuk i ka shpëtuar edhe një kritikë për kryeministrin Edi Rama.
Në fjalën e saj, ajo në vend që ta cilësonte si kryeministër, e quajti president. Duke “harruar” se atë post e mban bashkëshorti i saj, Ilir Meta.
“Dje pamë një xhiro që bëri mbi një argjinaturë presidenti (kryeministri), me maskat dhe e vetmja gjë e re që ka sjellë janë stilimet e maskave të tij, por asnjë gjë nuk po shikojmë në jetën e përditshme të shqiptarëve në familjet e tyre”, tha Kryemadhi.
Epo mesa duket mendjen e paska pasur tek bashkëshorti i saj…
